Video
Read full review
2010-05-11
51 views
元氣壽司, 大家都唔會話未食過, 但我又從來無諗住寫食評, 但周末, 日, 真係等位等到變望夫石, 等左咁耐, 梗係影o下相啦, 今期佢地既口號係 "元氣壽司, 碟碟新鮮靚仔" 係咪真係咁靚仔先?食評如下 ~侍應會先安排客人, 坐迴轉位, 卡位, 定係 Order 枱, Order 枱普遍唔受歡迎, 因為既自閉又無聊, 無得睇住 d 色彩繽紛既壽司團團轉, 一坐低, 侍應都會好有禮貌同客人講, "迴轉帶上既壽司可以隨便拎, 如果無既可以幫客人 order, 枱下有地方可以放袋, 可以隨便沖綠茶飲用."食物雖然來來去去都係大同小意, 但每次食都唔會厭, 可能係因為壽司唔油膩啦, 而且食好多都唔飽, 所以可以幾儘情.呢期最愛既係筋子壽司, 因為估計佢係真既三文魚籽, 而唔係仿製品, 食落微腥較咸, 但口感十足, 本人一次過食左 4 件.而其次每次都食既, 就係炸軟殼蟹, 因為食過其他壽司店, 日式料理店, 都係元氣最好食, 最大隻, 炸得又酥脆!總括黎講, 唔多滿意既係, 佢蓋住壽司既透明蓋, 俾人唔多乾淨既感覺, 永遠都有少少笠笠地既, 放壽司既膠碟都係, 永遠都唔會好乾淨清爽既, 但點
食評如下 ~
侍應會先安排客人, 坐迴轉位, 卡位, 定係 Order 枱, Order 枱普遍唔受歡迎, 因為既自閉又無聊, 無得睇住 d 色彩繽紛既壽司團團轉,
一坐低, 侍應都會好有禮貌同客人講, "迴轉帶上既壽司可以隨便拎, 如果無既可以幫客人 order, 枱下有地方可以放袋, 可以隨便沖綠茶飲用."
食物雖然來來去去都係大同小意, 但每次食都唔會厭, 可能係因為壽司唔油膩啦, 而且食好多都唔飽, 所以可以幾儘情.
呢期最愛既係筋子壽司, 因為估計佢係真既三文魚籽, 而唔係仿製品, 食落微腥較咸, 但口感十足, 本人一次過食左 4 件.
而其次每次都食既, 就係炸軟殼蟹, 因為食過其他壽司店, 日式料理店, 都係元氣最好食, 最大隻, 炸得又酥脆!
總括黎講, 唔多滿意既係, 佢蓋住壽司既透明蓋, 俾人唔多乾淨既感覺, 永遠都有少少笠笠地既, 放壽司既膠碟都係, 永遠都唔會好乾淨清爽既, 但點都平過板長壽司, 加上有不少客人有元氣壽司 VIP 咭, 更會有九折優惠, 咁抵食, 梗係留得住客人, 梗係排晒長龍啦!
Post
