味道樂居酒屋 (元州街) (Closed)

近排lunch放早，經常一個人闖蕩到平時唔夠時間去既一帶覓食。響一大堆既唐樓中發現了這間小木屋。推門入去，竟然有一種去咗日本鄕村居酒屋嘅感覺。佢有若干款午市套餐，每一款都好吸引，今次我楝咗抗疫午餐中嘅加州反卷拼湯烏冬。一個$68嘅日式午餐，竟然有齊麵豉湯丶日式沙律丶蒸蛋丶加州卷同烏冬，就份量而言真係絕對超值。蒸蛋份量偏少但嫩滑可口，日式麻醬沙律中重有日本蕃薯，別具心思。至於個加洲反卷則有六大件，件件佈滿飛魚子，啖啖脆卜卜，絕不欺場，真心大滿足。扁烏冬彈牙好吃，稍嫌不足的是烏冬的湯偏鹹，食完有D口渴，如果能減少鹽的份量會更理想。環境8.5/10服務8/10食物9/10衞生8.5/10