Video
Read full review
2019-07-24
395 views
前日聽同事介紹話呢間火鍋店好正，好新鮮。趁同事生日，於是訂位慶祝。訂位時，接聽同事話可以拎旦糕上去，免費嘅。環境都算唔錯，但坐就非常迫，加上門外嘅時候已經聽到好多普通話，有好多內地男人好似飲醉咗咁樣，不停叫囂，講嘢非常非常大聲！經常性行來行去周圍敬酒。我地成班同事根本好難傾計！我坐落去嘅時候，發現非常非常唔舒服。因為地下好立次次，好似好耐未拖過地咁樣，間中仲聞一陣陣嘅酸寒味。至於食物質素我又唔覺得非常好，因為叫咗一碟蝦，蝦好似已經死咗好一段時間，唔太新鮮。牛肉亦都唔覺得好鮮紅色，而且價錢都唔平。分量而且好少，如果你係五個人以上的話根本係唔夠食。湯底落咗好多味精，未打完邊爐就已經非常口渴，我哋飲嘢仲多過食嘢。這服務態度都非常麻麻，經常性出現走單，同埋職員面口一啲都唔好。除咗典型黑好黑面之外，對香港食客好似唔太有耐性咁樣，對職員會同內地食客打牙較，變相經常出現職員掛住吹水，而忽略其他食客嘅要求。職員拎個蛋糕出嚟，竟然冇幫我地雪，仲理直氣壯咁樣話，佢哋從來冇講過會借出雪櫃幫我地雪蛋糕。要雪櫃的話係另外收費。我哋今次慶祝生日嘅飯局相當不愉快
環境都算唔錯，但坐就非常迫，加上門外嘅時候已經聽到好多普通話，有好多內地男人好似飲醉咗咁樣，不停叫囂，講嘢非常非常大聲！經常性行來行去周圍敬酒。我地成班同事根本好難傾計！
我坐落去嘅時候，發現非常非常唔舒服。因為地下好立次次，好似好耐未拖過地咁樣，間中仲聞一陣陣嘅酸寒味。
至於食物質素我又唔覺得非常好，因為叫咗一碟蝦，蝦好似已經死咗好一段時間，唔太新鮮。
牛肉亦都唔覺得好鮮紅色，而且價錢都唔平。分量而且好少，如果你係五個人以上的話根本係唔夠食。
湯底落咗好多味精，未打完邊爐就已經非常口渴，我哋飲嘢仲多過食嘢。
這服務態度都非常麻麻，經常性出現走單，同埋職員面口一啲都唔好。除咗典型黑好黑面之外，對香港食客好似唔太有耐性咁樣，對職員會同內地食客打牙較，變相經常出現職員掛住吹水，而忽略其他食客嘅要求。
職員拎個蛋糕出嚟，竟然冇幫我地雪，仲理直氣壯咁樣話，佢哋從來冇講過會借出雪櫃幫我地雪蛋糕。要雪櫃的話係另外收費。
我哋今次慶祝生日嘅飯局相當不愉快
Post