漢斯 (Closed)

剛剛去完新加坡出trip，極之懷念當地叻沙嘅味道，咁啱去開鰂魚涌搵朋友食飯，佢一聽到我話想食叻沙就帶左我黎漢斯。一到門口，店員就親切咁介紹佢地嘅menu，笑容可掬，加分！我一心黎到就緊係要試佢地嘅招牌大蝦叻沙啦，朋友就點左佢地另一招牌菜咖哩牛腩焗飯。漢斯嘅叻沙用米粉同油麵溝埋一齊煮，一粗一幼口感十足，加上偏辣嘅湯底不稠不稀，好開胃！而且蝦夠新鮮彈牙，上兩星期於新加坡一嘗嘅地道風味番哂黎！叻沙用料多，鮮蝦豆卜魚片半流心蛋加上大量蔬菜，大碗夾抵食，必試！HK$68湯底微辣，超級開胃！朋友點的牛腩飯亦是水準之作，以焗飯形式上台，份量非常多。咖哩牛腩焗飯份量絕對十足，同樣加入大量蔬菜，隔離枱男士都食唔哂！牛腩飯加入蒟蒻，增添煙un的新奇口感。不得不提佢地跟餐上嘅雜菜湯，用料絕不馬虎，加上蒜蓉包，薄薄一片蘸湯同吃，飽肚健康！雜菜湯有齊椰菜花西蘭花蘿蔔翠玉瓜粟米，稠身口感豐富。凍柚子蜜偏甜，單點$10。不過最令我驚喜嘅係，漢斯無論係叻沙定牛腩飯，漢斯都落左好多蔬菜做配料，聽老闆講，咁做係希望平時多肉小菜嘅都市人，即使外出食飯都可以好似家常飯咁食到蔬菜，保持健康，老闆嘅用心係真正要讚嘅地方！