Video
Read full review
2017-08-27
2264 views
星期六難得同媽媽去數碼港行下，上網睇左食評見到呢間叫“客棧”嘅餐廳咁特別，於是就入左去搵好野食喇。除左佢個名之外，佢個餐牌造型都好特別，成本武林秘笈咁！由於已經過左2：30，所以已經可以叫下午茶餐喇，叫左3個茶餐另加1個餸。一個迷你叉燒飯、一個炒烏冬、廈門炒米再加黃金豆腐。未到餐廳之前已經見到有好多人推介叉燒，好多時餐廳嘅出色食物都唔會出現喺下午茶出現，佢竟然有叉燒食，諗都唔諗即刻嗌啦！迷你叉燒飯除左叉燒之外仲有隻煎蛋，對女仔嚟講都唔算係迷你，絕對係食得飽嘅，而且飯量都唔算少，茶餐嚟講絕對係收貨。叉燒亦都好好食，半肥瘦嘅叉燒，唔會乾爭爭，雖然肥仔d，不過岩晒為食嘅我。下午茶餐都有得叫招牌野，都算係有驚喜！見到佢隻煎蛋，令我諗起食神叉燒飯！炒烏冬嘅色水味道都好夠，又唔會覺得好油，都唔錯！不過對比之下，叉燒飯就比較出色喇！廈門炒米作為一個茶餐賣相都幾認真，上面仲有芝麻點綴下。炒米炒得夠乾身亦都好足料，感覺都好夠鑊氣，估唔到下午茶餐都唔係hea你！最後壓軸嘅一定係黃金豆腐，上網見到好多人叫嘅係椒鹽豆腐，不過睇晒成個餐牌都見唔到。（可能係我睇漏左？）心諗都係豆腐，椒鹽同黃金係味道唔一樣，不過大
除左佢個名之外，佢個餐牌造型都好特別，成本武林秘笈咁！
由於已經過左2：30，所以已經可以叫下午茶餐喇，叫左3個茶餐另加1個餸。一個迷你叉燒飯、一個炒烏冬、廈門炒米再加黃金豆腐。
未到餐廳之前已經見到有好多人推介叉燒，好多時餐廳嘅出色食物都唔會出現喺下午茶出現，佢竟然有叉燒食，諗都唔諗即刻嗌啦！
迷你叉燒飯除左叉燒之外仲有隻煎蛋，對女仔嚟講都唔算係迷你，絕對係食得飽嘅，而且飯量都唔算少，茶餐嚟講絕對係收貨。叉燒亦都好好食，半肥瘦嘅叉燒，唔會乾爭爭，雖然肥仔d，不過岩晒為食嘅我。下午茶餐都有得叫招牌野，都算係有驚喜！見到佢隻煎蛋，令我諗起食神叉燒飯！
迷你叉燒飯
35 views
0 likes
0 comments
炒烏冬嘅色水味道都好夠，又唔會覺得好油，都唔錯！不過對比之下，叉燒飯就比較出色喇！
廈門炒米作為一個茶餐賣相都幾認真，上面仲有芝麻點綴下。炒米炒得夠乾身亦都好足料，感覺都好夠鑊氣，估唔到下午茶餐都唔係hea你！
廈門炒米
41 views
0 likes
0 comments
最後壓軸嘅一定係黃金豆腐，上網見到好多人叫嘅係椒鹽豆腐，不過睇晒成個餐牌都見唔到。（可能係我睇漏左？）
心諗都係豆腐，椒鹽同黃金係味道唔一樣，不過大家都係惹味嘅食物，應該都好食嘅，於是膽粗粗叫個黃金豆腐嚟試一試。
豆腐切到細細舊方便食，賣相又靚，又夠香口，味道又夠濃但係又唔會太鹹，仲要好夠熱，當小食咁食好快就比我地KO左喇！
黃金豆腐
29 views
0 likes
0 comments
迷你叉燒飯同埋黃金豆腐真係幾令我驚喜，3個人只係食左200多dd叫到成枱都係野食仲要包埋野飲，都算係抵嘅！
Post
