Video
Read full review
2023-04-20
309 views
星期一同朋友去左一間新開既火鍋店打邊爐，順便慶祝埋佢生日。好難得呢到仲要係無切餅費既👏🏻餐廳門口好搶眼，路過都一定留意到。入邊就係橙綠色型格裝修，設計帶玩味元素。好啱影相，連架𨋢同洗手間都有打卡位！👍🏻一坐低侍應就俾左2杯仔welcome drinks俾我地。係帶smoky 味道嘅酸梅湯，我鍾意佢酸酸甜甜，好清涼解暑。✨啤酒胡椒豬肚雞鍋胡椒豬肚湯係我少有鍾意飲既湯，唔使諗即刻揀左佢。湯底落左大量胡椒，夠曬辣👍🏻我地係咁飲湯，都未開始淥野食已經飲左一大半湯😂湯滾之後再落一罐啤酒，第一次咁試。飲落帶少少酒味，個味又幾夾wor。啲雞肉都好嫩，豬肚好新鮮，又夠腍，一咬即開。 留意個湯會愈滾愈辣，尤其係啲菜好易索曬味，最好就一開始先淥左菜食，就無咁辣。✨騸牯牛皇 : 極品牛頸脊、極品牛腩包 第一次食騸牯牛。騸牯牛即係牛仔大約係1歲左右就會被閹割，脂肪比未閹既「生牯」多，食落牛味濃郁腍滑🤤先食肉質鮮嫩爽滑既牛頸脊，再食牛腩包（牛腩最中心位），脂肪不多但肉味濃郁，較有咬口。 ✨美顏靚花膠 最愛呢個😍可以補充膠原蛋白。花膠處理到完全唔腥，淥10至12分鐘左右就食得。✨新鮮蔬菜拼盤有我最愛既皇帝菜，同埋
餐廳門口好搶眼，路過都一定留意到。
入邊就係橙綠色型格裝修，設計帶玩味元素。
好啱影相，連架𨋢同洗手間都有打卡位！👍🏻
一坐低侍應就俾左2杯仔welcome drinks俾我地。係帶smoky 味道嘅酸梅湯，我鍾意佢酸酸甜甜，好清涼解暑。
✨啤酒胡椒豬肚雞鍋
胡椒豬肚湯係我少有鍾意飲既湯，唔使諗即刻揀左佢。
湯底落左大量胡椒，夠曬辣👍🏻我地係咁飲湯，都未開始淥野食已經飲左一大半湯😂
湯滾之後再落一罐啤酒，第一次咁試。飲落帶少少酒味，個味又幾夾wor。
啲雞肉都好嫩，豬肚好新鮮，又夠腍，一咬即開。 留意個湯會愈滾愈辣，尤其係啲菜好易索曬味，最好就一開始先淥左菜食，就無咁辣。
✨騸牯牛皇 : 極品牛頸脊、極品牛腩包
第一次食騸牯牛。騸牯牛即係牛仔大約係1歲左右就會被閹割，脂肪比未閹既「生牯」多，食落牛味濃郁腍滑🤤
先食肉質鮮嫩爽滑既牛頸脊，再食牛腩包（牛腩最中心位），脂肪不多但肉味濃郁，較有咬口。
✨美顏靚花膠
最愛呢個😍可以補充膠原蛋白。
花膠處理到完全唔腥，淥10至12分鐘左右就食得。
✨新鮮蔬菜拼盤
有我最愛既皇帝菜，同埋冬菇、粟米、娃娃菜、金針菇。款款新鮮。
✨餃子拼盤 : 黑松露鮑魚餃、鮮蝦雲吞、黑豚肉韭菜餃
呢到啲餃子全部係自家製既手工餃。
侍應好細心咁教我地由淡至濃味咁食，大約淥7分鐘左右就食得。
但當中有2款特別出色！其中1款係黑松露鮑魚餃，一咬開即刻散發出勁香既黑松露味！鮑魚粒好彈牙😋
✨花雕醉雞餃
另一款係花雕醉雞餃。呢個真係出邊無食過，帶有少少酒香味。入邊係爆餡雞肉，咬落多汁😋
✨手打鮮蝦丸 ✨手打墨魚丸
2款都好彈牙，蝦味同墨魚味都好出。
✨椒鹽墨魚咀 : 香脆爽口，炸蒜超香
✨蝦多士: 多士酥脆，蝦彈牙
✨冰鎮南非鮑魚 : 鮑味濃郁，肉厚帶嚼勁
✨紅糖冰粉
打完邊爐熱辣辣食返碗冰粉涼下。呢碗係我食過落得最多配料既冰粉！有提子乾、西瓜、火龍果又有nuts！
✨柚子雪葩
好好味！又香又清新，仲有粒粒柚子皮。
Post
