Video
Read full review
2011-11-28
46 views
我聽朋友講，佢係尖沙咀試左一間點心餐廳環境幾好，味道亦唔差，而我又鐘意食點心，所以就襯午飯時間「鼠」(‵﹏′) 出去試下。估唔到，俾我發現「驚喜」~!行到厚福街，睇到呢間店鋪門面，還以為係食西餐或食西式糖水，門口既靚女姐姐熱情咁問我試唔試下點心先知原來係我朋友講個間中式點心店。一入到去既感覺，無諗過一間食中式點心既店鋪內裡裝修得咁光猛、寬敞、感覺咁好...可能個時未有人住啦~佢就安排左我同同事二個人坐係四人卡位度。感覺真係好好，個位又舒服。呢個係俾我既第一個「驚喜」。坐低就即刻有人拿張點心紙黎俾我地填，而我仲要同個待應講要「普洱」茶，而個待應就笑住咁同我講：「唔好意思，我地呢度得玄米茶，不過好好飲，你可以試下」，第一次聽食點心用玄米茶，感覺有點奇怪，不過我都試下。茶一黎到，沖出黎，心中不奇然突左一突，心想：「哦~? 乜有米粒既.....?」一開頭以為洗唔乾淨個茶壺，原來係D茶既突別之處。飲落去又真係好突別，好清，好好味~!好啦~入正題~我地二個人，點左個糯米雞 (因為當時我太肚餓)、蝦餃、墨西哥餐飽同埋豬頸肉。先到既係蝦餃同埋糯米雞。第一下黎到，只係覺得的野好新鮮，因為點心都係岩岩蒸出
行到厚福街，睇到呢間店鋪門面，還以為係食西餐或食西式糖水，門口既靚女姐姐熱情咁問我試唔試下點心先知原來係我朋友講個間中式點心店。一入到去既感覺，無諗過一間食中式點心既店鋪內裡裝修得咁光猛、寬敞、感覺咁好...可能個時未有人住啦~佢就安排左我同同事二個人坐係四人卡位度。感覺真係好好，個位又舒服。呢個係俾我既第一個「驚喜」。
坐低就即刻有人拿張點心紙黎俾我地填，而我仲要同個待應講要「普洱」茶，而個待應就笑住咁同我講：「唔好意思，我地呢度得玄米茶，不過好好飲，你可以試下」，第一次聽食點心用玄米茶，感覺有點奇怪，不過我都試下。茶一黎到，沖出黎，心中不奇然突左一突，心想：「哦~? 乜有米粒既.....?」一開頭以為洗唔乾淨個茶壺，原來係D茶既突別之處。飲落去又真係好突別，好清，好好味~!
好啦~入正題~我地二個人，點左個糯米雞 (因為當時我太肚餓)、蝦餃、墨西哥餐飽同埋豬頸肉。先到既係蝦餃同埋糯米雞。第一下黎到，只係覺得的野好新鮮，因為點心都係岩岩蒸出黎，唔會好似茶樓咁蒸到出曬水或者好似放左好耐咁先送黎。而個糯米雞更突別到我認唔到，仲以為佢地落錯單，原來係點心師父改良左既新式糯米雞 ，哦~用蛋包住糯米雞又好突別WO~味道又香，最重要唔會好似係外面茶樓咁一吃就成口油。呢個好清而且味道好好。但真係要二個人以上去先好叫，因為我食完二件，我同事食完一件大家都開始有半飽。但，叫這個係唔錯既選擇!
另外，蝦餃黎到個時熱騰騰好新鮮! 我覺得皮又夠簿。一啖咬下去，諗唔到有咁好既口感，因為入面既蝦真係好大隻~! 唔同出面既茶樓咁，蝦就小小食唔到蝦味，只係食到D肉味同筍味。認真足料!
而第三味黎到就係豬頸肉，一上菜我就只係同同事E 食豬頸肉，以為旁邊係配菜，無諗過會食...點知我手多多咁夾左一條黎食，禁不住「哦~」左一聲。因為感覺係酸酸地既野.....又唔係好食到係咁黎，我同同事E 都食唔出係咩，只係覺得好醒胃。問下經理先知原來係的經調味既薯仔絲~又幾突別WO! 岩岩食完豬頸肉，再食酸酸地既薯仔絲~很醒胃~!
最後，黎埋個墨西哥差燒餐飽。哦~~~~~ 又係一個驚喜~一咬下去，個面好脆好香，而入面的差燒又唔係太肥唔會成口都係油或肥豬肉。加上個飽好新鮮，好熱。所以我有點飽飽地都食到一個。唯一美中不足的就是個面既皮有點稍甜。但E 同事又話岩岩好。整體味道都係好好的! (另：我已向經理反應個皮稍甜，佢話會同師父講下)
食左四樣野，每人都係六十元到埋單。係尖沙咀區，六十元一個人可以食到呢種質素的食物，我覺得總比出面其他食肆為抵食~!
------------------------------
過左一個星期，忍唔住，再去多一次食呢間點心店...
可能間野既味道開始吸引食客....我同上一次差唔多時間去到，但我同同事都要等。
但等得唔係好耐，5-7分鐘可以入坐。
唔知係唔係的野好食，人多咗，今次要等5-7分鐘到先有位。但個靚女待應笑住同我講話因為食飯時間人太多，要二人靠邊坐，雖然有的失望，但見佢咁好笑容，就無咩既....其實我地好快就坐下來，但拾野好快，雖然佢地好忙，但都好禮貌，我覺得服務水準係咁忙都難得 (因為依家好多食肆既服務態度都係做又36 唔做又36)。
今次，試下新菜式：鰻魚腸粉、牛肉燒賣、墨西哥差燒包、流沙奶皇包同埋窩蛋牛肉飯。
今次都一樣，黎既點心都好新鮮，牛肉燒賣、墨西哥差燒包、流沙包黎到個時都好熱好鮮~!
鰻魚腸粉 ： 很很很好味~一咬下去其實感覺好怪，因為入面係涷既.....但吃下去加埋的甜日式醬汁又幾好味WO~ 好突別既新菜式。但係因為食得太飽，所以無叫。
墨西哥差燒包：今次專登叫既，睇下有無改善。哦~~ 食下去又真係味道今次就岩岩好WO~ 味道太好了~ 值得一試!
流沙包：其實同出面既茶樓唔會有好大既出入，但入面既流沙比出面好味，新鮮、似係即叫即整，唔似係尋晚整定再蒸。因為新鮮所以堅好味~!(但係我個人認為，如果多的蛋黃味就PREFECT 啦~)
牛肉燒賣：唔.....口感唔錯，牛肉味道好入味...但我覺得有點平平無奇，無咩特別~! (可能佢既味道岩岩同我食完既窩蛋牛肉飯一樣味，所以我個人覺得唔太突出)
窩蛋牛肉飯：細細盅，我覺得岩我地，因為可以試下其他點心。的牛肉味道好好~好入味~ 加埋生蛋簡直絕配。但......我覺得飯可以再熱一點，其實都夠熱，不過我覺得再熱D 味道會更好~!可能我SUPPOSE 呢的飯係勁熱入口先好食~! (因為我唔想咁"留"，如果少的肉多的飯會好D...)
總括食左二次，呢間野俾我既感覺就係驚喜~因為佢好多味道同點心唔係出面可以隨便食到，加上係尖咀，又有咁好既食物質素同服務質素。我覺得係值得去既食肆。唔可以唔一提既就係，佢個厠所超乾淨~~~ 無諗過係咁乾淨，好多食市既厠所都又濕又臭又污濁，但呢間....厠所乾淨可以同一級商場既乾淨度比美。同埋入厠所既路上，睇到個廚房好乾淨好整齊，我相信咁會放心好多。(大家經過開厠所以可偷偷睇入去)
P.S. 無位放相...但強列推介新出個個「生煎包」肉汁勁多勁好味~!
Post
