Will's Coffee (Closed)

名副其實嘅小店，只有幾個座位，我同朋友嚟嘅時候發現此店十分受歡迎，客人不絕，感覺都係街坊或者係熟客，充滿人情味。我叫左個澳白咖啡，朋友叫左個手沖咖啡，再share一個手工芋泥西多士。澳白咖啡係預期嘅高質，至於朋友嘅手沖咖啡，因為佢比較鍾意深焙嗰種味道，呢種就唔係深焙嘅，但係佢都話係好飲嘅。至於個手工芋泥西多士就十分有驚喜，西多士係烘焙嘅，唔係炸出嚟嘅，所以會比較健康，而且做到外脆內軟，芋泥又好香，加上即叫即整真係冇得輸。總括來講，手工芋泥西多士係最出色嘅，而且唔係咁多地方有呢個小食。