鹵家

Open Now

Now Closed

一間主打靚燒味，充滿人情味嘅元朗街坊小店。每位員工都笑容滿面，氣氛融洽，好有家嘅感覺🏡 😋王牌鴛鴦飯 $88試咗佢哋兩大王牌，蜜汁叉燒王同頭抽豉油雞，兩款都好滿意！叉燒王唔會過分甜膩，半肥瘦口感，肉香油香兼備。豉油雞夠哂滑，調味恰恰好，再加薑蓉係錦上添花！😋無味精住家老火湯熱辣辣！舒服嘅感覺！😋話梅涼瓜片 $24 本來好驚食涼瓜，但店員再三強調係唔苦。親身證實真係唔苦，仲越食越上癮😍 香香甜甜，又有話梅香，勁爽口，非常清涼又健康嘅感覺！非常推薦呢間小店！