名門私房菜

Open Now

Now Closed

好耐冇食私房菜，呢d要多少少人先過癮，可以食多幾款，今次一行三人一齊黎到呢間名門私房菜，朋友之前黎過好滿意特登推薦我地黎經過介紹下，點做幾款。滋補靚湯一定唔少得，呢排流感高峰期，杏汁豬肺湯補補個肺就最啱，湯超香濃，口感又順滑，一盅入面好幾舊豬肺冰鎮鮑魚爽口彈牙，佢配埋芥末醬汁，一頂要沾，靈魂料汁黎，感覺係配任何海鮮都啱之後就整道功夫菜喇，順德煎菱魚招牌菜，佢將菱魚肉起曬，整成魚滑再釀返入去，再半煎炸咁定型炮製，十分佩服師傅功夫，起曬全部魚肉仔保留出面薄薄嘅一層魚皮，諗到都覺得非常困難。呢道菜啱曬唔鐘意吐骨嘅我，啖啖肉，半煎炸處理完好香口之後又係一道心機菜，蔥爆海蔘，海蔘爽滑彈牙，浸發得好足👍如果自己屋企浸過海蔘嘅，一定知道過程十分麻煩，要換幾次水咁，所以呢味海蔘都係心機菜。成個菜好香大蔥味好惹味。之後啫啫生菜都好食嘅，爆得好香最後臘味炒飯都幾值得推薦，好香口夠鑊氣，我地食到尾聲嘅時候都可以清曬佢就知道味道真係唔錯，而且份量好足，帶多兩個人一齊黎share都一定夠，如果一班人再過黎食，我覺得呢個係幾值得安排嘅一道主食最後甜品杏汁蛋白，黎個首尾呼應，好滑好香，無論火候定係甜度都啱啱好㗎總結