龍華酒店 (下禾輋)

Open Now

Now Closed

早兩日和家人特地去沙田龍華酒店食飯，一間充滿懷舊情懷的餐館，喚起我一些兒時的回憶，整間餐館都幾大，有許多中式的懷舊陳設，好有特色。紅燒頂鴿，是餐館的招牌菜，龍華乳鴿可謂香港人的集體回憶，當然要試試。乳鴿外表香脆，充滿肉汁，肉質嫩滑，又夠厚身，的確有水準。懷舊荔芋香酥鴨，是一道懷舊的手工菜，平日很少機會食到這味菜，一層荔芋一層鴨肉，外面十分酥脆，荔芋香糯，鴨肉嫩滑，食味很平衡，實在令人回味。沙田滑雞粥，粥底夠綿滑，雞肉亦香滑，雞皮夠甘香，粥底味道偏清淡，可加一點點華塩和胡椒粉，更能提升雞粥的味道。鄉村風味炸大腸，外皮香脆，腸身厚肉，但沒有肥膏，加點甜酸醬，美味無窮，不是其他餐廳的炸大腸可比。木桶豆腐花，比想像中大桶，可有四大碗，豆腐花非常滑，充滿豆香，可不用加糖水，本身都帶有微甜，必試之選。