Video
Read full review
2018-05-28
2036 views
在佐敦做完野太夜，貪方便就腳，就在附近搵嘢食，見到呢邊成街好多餐廳，呢一間Season's Restaurant & Bar係食多國菜嘅，餐廳充滿尼泊爾特色，掛滿尼泊爾風景畫，比較少食呢種風味，就試下啦。餐牌分類仔細，有西式燒烤類，土耳其、尼泊爾、印度式食物都有。由於好肚餓嘅關係，揀啲比較飽肚的食物，西式烤豬肋骨半份$148,同埋土耳其卡巴卷，揀左魚肉$108。 同埋一杯Season's Breeze 飲品$48。點完菜，望真啲餐廳，用咗昏暗嘅光線，營造酒吧嘅感覺。尼泊爾餐廳嘅酒吧，同西式酒吧的不同之處，就係唔會中門大開咁任由大家隨便企，而係依然會有餐廳嘅門面、擺好曬長枱凳，呢啲係佢哋嘅餐廳擺設特色。以尼泊爾風景畫作裝飾，已經好有異國風情。 一點完菜，好快就即刻上一份黑胡椒薄脆餅，有薄荷汁畀你點，薄脆就是克力架餅乾的質感，食落好脆口，有輕微胡椒辣味，但鹹味比較多，作為醒胃小食嘅話，點薄荷汁會比較清新啲，感覺冇咁鹹。 Season's Breeze, 充滿尼泊爾風格嘅奶類飲品。水果方面用咗芒果同藍莓，加低脂奶打成的，味道一啲都唔酸，因為有人工加上嘅甜味，但亦不會太甜，只是中和酸味，令飲落
餐牌分類仔細，有西式燒烤類，土耳其、尼泊爾、印度式食物都有。
由於好肚餓嘅關係，揀啲比較飽肚的食物，西式烤豬肋骨半份$148,同埋土耳其卡巴卷，揀左魚肉$108。 同埋一杯Season's Breeze 飲品$48。
點完菜，望真啲餐廳，用咗昏暗嘅光線，營造酒吧嘅感覺。尼泊爾餐廳嘅酒吧，同西式酒吧的不同之處，就係唔會中門大開咁任由大家隨便企，而係依然會有餐廳嘅門面、擺好曬長枱凳，呢啲係佢哋嘅餐廳擺設特色。以尼泊爾風景畫作裝飾，已經好有異國風情。
一點完菜，好快就即刻上一份黑胡椒薄脆餅，有薄荷汁畀你點，薄脆就是克力架餅乾的質感，食落好脆口，有輕微胡椒辣味，但鹹味比較多，作為醒胃小食嘅話，點薄荷汁會比較清新啲，感覺冇咁鹹。
Season's Breeze, 充滿尼泊爾風格嘅奶類飲品。水果方面用咗芒果同藍莓，加低脂奶打成的，味道一啲都唔酸，因為有人工加上嘅甜味，但亦不會太甜，只是中和酸味，令飲落去更順口，芒果味淡d,似藍莓奶昔咁樣，香滑而清新，夏日消暑不錯！
因為同事唔飲呢d 特色嘢，所以淨係飲水，飲完之後覺得好特別，原來係用薄荷葉浸出嚟嘅檸檬水，好有心思！因為知道食印度、尼泊爾菜式，是比較濃味的，所以薄荷檸檬水係可以幫你清新口腔嘅。
魚烤餅$108，即是我哋叫做卡巴卷，用黎巴嫩皮塔麵包，捲著蔬菜和魚肉製成， 肉類可以自己選擇雞或魚，黎巴嫩皮塔麵包是烤過的，提升香口感覺。一個卷切開兩條，份量其實幾大嚿。
原來裏面餡料非常之多！生菜、洋蔥、魚肉、沙律醬、蕃茄，捲到一大嚿，真係食完 半條卡巴卷已經夠飽。味道方面，感覺有啲似漢堡包，但係黎巴嫩皮塔包烤過，口感係唔同啲，本來較乾身的包，加埋沙律醬同埋蔬菜汁一齊食，又唔會覺得乾；而且皮塔包煙韌，感覺香口。蔬菜夠多，唔會覺得油膩。魚肉是切成粒，然後拌上沙律汁，酸酸甜甜，好開胃。
西式烤豬肋骨半份$148, 原來半份都好大碟，同其他餐廳比較是等於一份的份量，仲有薯條同沙律伴碟。
豬肋骨烤過，外面很香脆， 裏面肉質卻很軟滑，仍然有肉汁。 味道方面，加了蜜糖在外面烤，食落有輕微蜜糖的甜香，也增添外層的脆脆口感；燒烤汁夠濃，但不會太鹹，食完不覺得口乾，非常惹味！
職員見我食得咁興奮，主動問我食物質素如何。我話我好鍾意食沙律菜的醬汁，因為除了平時的醋酸味，還帶點辣味和甜味，細問之下，原來是泰式辣醬！幾特別！真係要嚟尼泊爾餐廳，先會食到佢哋嘅獨特風味。佢見我食得咁開心，攞多幾碟醬汁畀我點薯條食，好熱心咁介紹呢d都係佢哋house made嘅醬汁，用來配唔同嘅食物。我食晒咁多款醬，覺得油浸吞拿魚醬最好味也最特別！
最後，見我哋食到差不多的時候，職員送上兩杯免費shooter , 同我講Happy Friday! Shooter 由菠蘿汁調製而成，酒精非常低的，女士飲非常啱口味，甜甜地又清新，我飲完，就算冇酒意都覺得好high! 因為呢度服務太好，職員好貼心招待！
埋單原來無加一，共$304, 雖然只食兩款食物，但因為份量好大，所以都好飽啊！抵食！一定再來幫襯！
Post
