牛之館 (Closed)

今日朋友生日同個朋友嚟咗旺角文華商場嘅牛之館慶祝生日。120分鐘火鍋放題有分四級：精選、特選、特優同極上，價錢係$218-428。仲有成八款湯底任君選擇，分別有麻辣、百香里完熟茄、特濃沙嗲、椰子泉水雞、柚子鰹魚、昆布、壽喜燒、養生藥膳。坐低趁未有嘢食梗係去咗攞嘢飲先，咁個雪櫃都有基本平時放題嘅嘢飲，但係呢度比出邊花種就係台式飲品，我依啲最鍾意飲奶蓋，梗係不斷咁無限添飲。出邊個雪櫃有超過60款嘅嘢食可以選擇，咁當然肉類嗰啲仲可以喺個Apps度嗌啦，但係肚餓嗰陣時仲有幾款嘅熟食我要食住先。拎完熟食返去啲肉類已經送到埋嚟，啲肉睇落去都好新鮮唔會黑蚊蚊變晒色，值得一讚嘅係櫻花蝦滑，彈牙不特止仲好香櫻花蝦味。環境方便地方闊落枱面地下都好乾淨，油立立好冼，仲要有粉紅色做主色岩哂女仔黎。