Video
Read full review
2023-06-16
274 views
充滿意式風情嘅半自助午餐@AMA Ristorante by The Amatricianist～同媽咪撐枱腳，去咗AMA食semi-Lunch Buffet！AMA由羅馬主廚主理，餐廳樓底好高，裝潢典雅時尚，最搶眼莫過於餐廳內播放住意大利風景影片嘅大螢幕，加埋牆上嘅經典意大利電影海報，有格調得嚟又有異國渡假feel。"Grandma’s Table"半自助午餐包括餐包、餐湯、任食前菜、自選主菜及飲品。一坐下，店員就送上自家製麵包籃，麵包入口鬆軟，簡單配搭黑醋同橄欖油已經好好食！前菜供應多款沙律及經典意式cold cuts，例如：Burrata、Parma Ham、煙三文魚、Salami，另外仲有海鮮，如：意大利紅蝦、八爪魚沙律、青口。當然唔少得有一D意大利經典菜式，例如：蛋餅、烤茄子，最估唔到係連白蘆筍都有！超過20種前菜任食，非常豐富！推薦Burrata，每日新鮮製造，切開係流心狀，奶香十足，配搭酸甜多汁嘅意大利蕃茄，好正！呢度連黑番茄都有，比紅番茄更甜，營養價值都非常高，平時賣得好貴，所以都食咗好多，哈哈～八爪魚沙律都值得一試，八爪魚油浸後肉質非常軟腍！意式烤茄子都非常唔錯！除咗
同媽咪撐枱腳，去咗AMA食semi-Lunch Buffet！AMA由羅馬主廚主理，餐廳樓底好高，裝潢典雅時尚，最搶眼莫過於餐廳內播放住意大利風景影片嘅大螢幕，加埋牆上嘅經典意大利電影海報，有格調得嚟又有異國渡假feel。
"Grandma’s Table"半自助午餐包括餐包、餐湯、任食前菜、自選主菜及飲品。
一坐下，店員就送上自家製麵包籃，麵包入口鬆軟，簡單配搭黑醋同橄欖油已經好好食！
前菜供應多款沙律及經典意式cold cuts，例如：Burrata、Parma Ham、煙三文魚、Salami，另外仲有海鮮，如：意大利紅蝦、八爪魚沙律、青口。當然唔少得有一D意大利經典菜式，例如：蛋餅、烤茄子，最估唔到係連白蘆筍都有！超過20種前菜任食，非常豐富！
推薦Burrata，每日新鮮製造，切開係流心狀，奶香十足，配搭酸甜多汁嘅意大利蕃茄，好正！呢度連黑番茄都有，比紅番茄更甜，營養價值都非常高，平時賣得好貴，所以都食咗好多，哈哈～八爪魚沙律都值得一試，八爪魚油浸後肉質非常軟腍！意式烤茄子都非常唔錯！
除咗"Grandma’s Table"上嘅前菜之外，每人仲有一碗意大利雜菜湯，好足料！
主菜每星期轉一次，我哋揀咗：
Wagyu Beef Flank Steak Chargrilled with Porcini Mushrooms sauce ($448)
超好食！生熟度控制至完美嘅medium rare，肉味濃郁突出，肉質軟嫩多汁，食落仲充滿炭火香！好正！牛肝菌醬汁都同牛扒好夾！必點！
Grilled Seabass Fillet ($348)
鱸魚外皮煎得香脆，魚肉鮮嫩，散發香草及檸檬嘅清香，又係水準之上！
非常滿足嘅一餐，價錢方面我覺得性價比都幾高，選擇多，質素好，加上環境好chill好啱傾計，絕對有下次！
Post
