鳥森 (Closed)

同朋友行街食飯，佢訂咗呢間食串燒嘅餐廳，裝修格局帶點日式居酒屋風情🏮，我哋坐近窗口。先點兩杯飲品，我點咗清爽嘅「日本信州蘋果梳打🍏$48」，朋友就鍾意教香甜嘅「完熟蜜桃梳打🍑$48」。我哋見好多客人也是選這個Mori Set $580，咁我哋都試吓先。套餐的前八款雞串燒，由廚師發板，帶點神秘咁，有趣，其後的是自選。👨‍🍳廚師安排了給我們是：雞胸軟骨、雞腸、雞心雞腎、月見雞肉棒、梅子醬雞胸、日本提燈、雞掌心串燒質素高，廚師處理得很好，雞內臟串燒也沒有腥味。店員每當奉上串燒時，也會介紹一兩句，當店員送上燒雞腸的時候，朋友笑說😆：「小朋時候成日比阿媽話佢，雞腸都冇你咁長氣」，她說原來雞腸的樣子是這樣的，口感帶少少彈牙。可以一次食到唔同部位，不同烹調方法，不同味道，唔錯，我最鍾意就係月見雞肉棒，配以已漬的雞蛋黃🥚，加添香滑之餘帶點鹹蛋黃的感覺；朋友就鍾意雞胸軟骨🐣，口感脆卜卜✨，同埋口爽脆嘅雞腎。然後就係燒物：🐟白膳燒得香口彈牙；🦐蛋黃漬虎蝦都幾大隻，燒好之後伴以漬好嘅蛋黃加鮮蛋黃，令口感更豐富。然後，嚟咗雞湯及惠比壽炭火親子丼，廚師先把雞肉燒好，然後用來做親子丼，口感比平時的親子丼更勝一籌。