Video
Read full review
2023-10-17
391 views
一向鍾意台灣又鍾意食台式菜嘅我，又發現咗一間喺北角嘅高質好味又抵食嘅台灣菜😆 大大帶咗我去咗依間以台東菜式為主題嘅小店。 小店裝飾充滿台灣感，天花都吊滿咗小天燈同白雲好有心機，而牆身都有當地鐵花村鐵路牌同景點塗鴉，仲貼滿明信片海報地圖咁相當有心思。店內嘅服務員都係台灣人，聽到佢哋都在講台語😆，送餐都很親切友善就閒談咗幾句，原來老闆係台東人，醬料跟做法都係台灣嘅口味😛係充滿溫度感嘅小店。 落單可以用劃紙仔方式嘅、我哋兩個人食到好飽飽都只係$262🥰5款菜款1杯嘢飲同1款甜品～ 🟡無骨鳳爪（幾特別佢嘅鳳爪係有煙燻過再滷的，又唔會太咸有少少辣幾惹味，而且好貼心咁有切開，唔會話太大隻會難咬，可以一口一啖作為前菜小食一流而且無骨真係好方便🥰）🟡台東鹹豬肉 （配左個蒜蓉醋汁） 一落枱就好香😍肉肉分佈幾好有肥有嫩同有啲軟骨位，雖然話係鹹豬肉但唔會死鹹燒到岩岩好唔會柴，食果陣配搭個汁恰恰好不會覺得好重油膩感。鍾意蒜嘅人士一定要豬肉點少少汁再連埋堆蒜一齊擺入口真係好正🤤🤤🟡鹽酥雞，做得夠酥脆而肉身唔會乾幾juicy，夠香口不太油膩做得不錯。🟡大板燒蛋餅 👍👍台日風混合😛口感一流，蛋皮包住紫椰菜
小店裝飾充滿台灣感，天花都吊滿咗小天燈同白雲好有心機，而牆身都有當地鐵花村鐵路牌同景點塗鴉，仲貼滿明信片海報地圖咁相當有心思。店內嘅服務員都係台灣人，聽到佢哋都在講台語😆，送餐都很親切友善就閒談咗幾句，原來老闆係台東人，醬料跟做法都係台灣嘅口味😛係充滿溫度感嘅小店。
落單可以用劃紙仔方式嘅、我哋兩個人食到好飽飽都只係$262🥰5款菜款1杯嘢飲同1款甜品～
🟡無骨鳳爪（幾特別佢嘅鳳爪係有煙燻過再滷的，又唔會太咸有少少辣幾惹味，而且好貼心咁有切開，唔會話太大隻會難咬，可以一口一啖作為前菜小食一流而且無骨真係好方便🥰）
🟡台東鹹豬肉 （配左個蒜蓉醋汁） 一落枱就好香😍肉肉分佈幾好有肥有嫩同有啲軟骨位，雖然話係鹹豬肉但唔會死鹹燒到岩岩好唔會柴，食果陣配搭個汁恰恰好不會覺得好重油膩感。鍾意蒜嘅人士一定要豬肉點少少汁再連埋堆蒜一齊擺入口真係好正🤤🤤
🟡鹽酥雞，做得夠酥脆而肉身唔會乾幾juicy，夠香口不太油膩做得不錯。
🟡大板燒蛋餅 👍👍台日風混合😛口感一流，蛋皮包住紫椰菜同高麗菜絲非常有咬口配埋芝士同大板燒醬汁，蛋餅面舖有木魚碎🤤🤤係帶有點飽肚感又好味嘅選擇。
🟡洋蔥燒肉便當 🍱 除咗有洋蔥嘅甜味配埋燒肉好香之外仲伴有半隻滷蛋同台灣腸及魚旦相當豐富嘅味道👅仲有西蘭花同黃瓜一齊平衡返肉同蔬菜。燒肉係有夾埋軟骨片係入面而且飯方面仲有少少紅米配埋肉汁相當好味好好送飯。真係好鍾意佢哋會保留脆骨相當有口感🥰嗰種咬口感相當唔錯👍
🟡台式奶茶芋圓（冷）💜💜👍
作為芋圓狂人嘅我相當鍾意佢依個甜品，佢嘅芋圓係又Q又好味而且係有芋頭肉架！！食得出嘅功夫嘢，喺香港一般出面好多嘅芋圓係食唔到芋頭肉嘅但佢哋家嘅就食到芋頭肉有咬口但肉身唔係硬嘅、心思真係都在細節裏呢👍奶茶本身唔會太甜配埋紅豆、仙草同珍珠嘅甜就啱啱好💜就好似係手搖同甜品嘅結合版😆鍾意台式珍珠奶茶嘅好推介試依款～如果唔係食咗飯先食甜品我諗會食多款甜品😆😆
食完依次依間小店係我會推介比朋友仔黎試嘅店，相信我都會再黎幫襯試埋其他嘢食🤤雖然店面唔大但性價比高。仲有嘅就係果種台灣感係會令我回頭同一解暫時未去到台灣嘅小癮嗰陣開餐嘅地方🤤
夜市無骨鳳爪
$40
13 views
0 likes
0 comments
台東鹹豬肉
$40
24 views
0 likes
0 comments
鹽酥雞
$39
10 views
0 likes
0 comments
洋蔥燒肉便當
$62
10 views
0 likes
0 comments
台式奶茶芋圓（冷）
$45
6 views
0 likes
0 comments
8 views
0 likes
0 comments
大板燒蛋餅
$36
16 views
0 likes
0 comments
Post
