漁樂場

Open Now

Now Closed

自己本身好鍾意音樂餐廳。係社交平台見到呢間位於荃灣嘅餐廳，可以邊食烤魚，邊聽live band，於是同朋友一齊去試。餐牌上有好多唔同嘅嘢食，任君選擇。烤魚方面，我哋揀咗唔辣嘅秘製醬香烤魚。烤魚上到嚟就好香，上面鋪滿曬花生。秘製醬係用花生熬煮，味道有啲似沙茶醬。江團魚食落好滑，同秘製醬嘅味道好夾。食落有少少甜甜地嘅味道，十分推薦。我哋另外仲嗌咗川粉同虎蝦滑。胡麻黑椒牛肉牛肉上淋咗好多胡麻黑椒汁，每一啖都食到黑椒味豚肉蒜心卷外層係豚肉，中間係蒜心。食落有驚喜，豚肉同蒜心嘅味道好夾，值得一試。菠蘿的海雖然外表同一般嘅燒菠蘿冇分別，但係食落俾佢嘅味道驚艷。下次再嚟都一定會嗌。羊肉串食落有好香嘅羊騷味，鍾意食羊嘅朋友可以一試。爆檸西西茶外型好吸引，飲落甜甜哋，仲可以食到粒粒西瓜。超級水果茶好大杯，飲落好fresh。而且入面有唔同嘅水果，例如西瓜、菠蘿、百香果等等，鍾意水果茶嘅朋友必嗌。live band嘅歌手唱歌好好聽。店員仲派咗發光棒，可以一邊揮棒，一邊聽歌，充滿氣氛。