唂咕

Open Now

Now Closed

和同事食完lunch🕐經過大王東街，見到有間賣朱古力🍫飲品嘅專門店，望落去好似幾吸引，一於試下先😆。店舖裝置以紅色🔴白色⚪️為主，非常搶眼😍。 另外店舖放咗啲貓頭鷹🦉飾物，可愛又得意🥰。70%薰衣草朱古力 $68同事第一眼就決定揀呢個店鋪招牌朱古力，話見佢獲得2022年國際朱古力飲品嘅銅獎🥉。奶有4️⃣款選擇，全脂奶、燕麥奶、杏仁奶同埋椰子奶，同事話想健康啲所以揀咗燕麥奶😂。薰衣草🪻朱古力🍫係用嚟自菲律賓🇵🇭嘅可可粉，加上用咗蔗糖，所以味道唔會太甜；淡淡嘅薰衣草香味好突出，配上濃濃嘅朱古力，出奇地襯🥰。伯爵茶朱古力 $65伯爵茶朱古力嘅朱古力粉🍫係嚟自坦桑尼亞🇹🇿，由於面頭放了啲伯爵茶碎🫖， 所以整杯伯爵茶味🫖好濃，但又唔會搶走朱古力🍫嘅味道，加上用咗椰糖，點都比一般糖低，所以唔會好甜；我揀咗椰子奶🥥，雖然比較杰身，但椰子味道好香，更加能夠帶出伯爵茶🫖和朱古力🍫嘅味道。總括而言，每款朱古力選用嘅可可豆嚟自唔同嘅國家，擇加上奶類可以自由選擇，隨時配搭到驚喜嘅組合。