花晨月夕

Open Now

Now Closed

同朋友繼續食好西，去左一間充滿著藝術同創意嘅Omakase，一邊欣賞師傅嘅功架，一邊享受每一道美食，師傅精心製作，賣相加入藝術元素。先付百合蜜柑清甜可口；煎廣島蠔味道鮮美，配蘿蔔蓉同三文魚籽，口感豐富；水雲滑嘟嘟，口感清爽。鮫鰈魚賣相吸睛令人驚喜，用液態氮製作成嘅大大泡泡球，泡泡散去就可以開始享用，鮫鰈魚有爽脆既咬勁，肉質細嫩，包住鮮甜嘅北海道馬糞海膽，配搭竹炭鹽，紫蘇花伴碟，色彩繽紛，層次感豐富。海膽三文魚籽杯三文魚籽自家醃製，加上北海道馬糞海膽，配搭柚子皮，鮮甜有一份清新感。長崎縣華漣生蠔係日本比賽拎過金獎，生蠔肉質爽口，貝柱位鮮甜，落左檸檬汁食，鮮味十足。鰤魚刺身大型油金魚，特別肥美，火炙做法帶出油脂香，質地柔軟而富有彈性。豚肉信田卷煮豚肉卷住黃芽白，用左特色醬汁煮，以紅蘿蔔、蜆肉伴碟。銀鱈魚火炙銀鱈魚油脂香濃，口感柔軟，配黑松露醬，增添風味。真鯛魚肉質細緻有彈性，味道清新淡雅同時帶有甘甜味，加左柚子皮帶來一份清新感。活帆立貝 肉質爽口，咀嚼時會有一種微微嘅甜香。富山縣白蝦仔白蝦仔肉質細膩而彈牙，撒上岩鹽突出白蝦仔嘅甜味，加上紫蘇花為這道菜增添咗一份視覺同味覺上嘅清新。大分縣中拖