Video
Read full review
2013-04-13
97 views
復活假期去了菲律賓玩幾日，因在灣仔返工上班的第一日見街口掛了個易拉架，原來新開左間菲律賓菜餐廳，不如試下都好！在openrice發現完全未有食評，不過有張新開張$68燒雞優惠卷(點知原來晚市$88，雖然最後決定權在餐廳，但呢度openrice有點不清楚和誤導)。訂好檯準時到達，發現都有不少衣著光鮮的菲律賓人光顧，幸好我們不是唯一的香港人，還有不少人抱著試菜的心態到來。Menu很簡單3頁紙但全菲語，幸好剛去完菲律賓認得不少招牌菜，加上太子爺很用心解釋，點菜難度不大，但長此下去無中文都不是辦法，要整個英文+圖片的menu……看見隔離每檯都點了燒豬踭($135)，比一般德國豬手還要大，看來是招牌菜呢！有兩種食法，可以乾吃(我選擇左)或是濕吃(淋上酸甜菠蘿汁)。上桌時香噴噴，炸得皮脆肉嫩，特別是豬皮真係非常脆，雖然熱氣但都忍不住食多幾塊(P.S. 豬皮是菲律賓熱門零食)！另一道招牌是秘製燒雞，特別想讚下呢個菲式燒雞($88)，不太像香港食開的巴西/大陸肥雪雞，雞肉比較瘦不過一點都不鞋而且好滑！錦上添花係Garlic Rice，呢樣簡直係菲菜的精髓，好好味！兩道主菜都好夠份量，而且餐廳貫徹菲律賓
在openrice發現完全未有食評，不過有張新開張$68燒雞優惠卷(點知原來晚市$88，雖然最後決定權在餐廳，但呢度openrice有點不清楚和誤導)。
訂好檯準時到達，發現都有不少衣著光鮮的菲律賓人光顧，幸好我們不是唯一的香港人，還有不少人抱著試菜的心態到來。
Menu很簡單3頁紙但全菲語，幸好剛去完菲律賓認得不少招牌菜，加上太子爺很用心解釋，點菜難度不大，但長此下去無中文都不是辦法，要整個英文+圖片的menu……
看見隔離每檯都點了燒豬踭($135)，比一般德國豬手還要大，看來是招牌菜呢！有兩種食法，可以乾吃(我選擇左)或是濕吃(淋上酸甜菠蘿汁)。上桌時香噴噴，炸得皮脆肉嫩，特別是豬皮真係非常脆，雖然熱氣但都忍不住食多幾塊(P.S. 豬皮是菲律賓熱門零食)！
另一道招牌是秘製燒雞，特別想讚下呢個菲式燒雞($88)，不太像香港食開的巴西/大陸肥雪雞，雞肉比較瘦不過一點都不鞋而且好滑！錦上添花係Garlic Rice，呢樣簡直係菲菜的精髓，好好味！
兩道主菜都好夠份量，而且餐廳貫徹菲律賓餐館模式，白飯是all you can eat免費的！你想吃幾多飯都得。不過，如果可以加少少錢任食Garlic Rice，我絕對願意的，因為Garlic Rice實在是太好味了。另一樣奇怪的是餐廳是沒有drink menu的，所以我到埋單先知幾錢……Ordered了3杯芒果mango smoothies，一上檯覺得超細杯(得3/2杯滿)，不過原來$14一杯，真係好抵飲。但感覺不太好，寧願大杯D收貴點感覺會開心些。
最後還點了個菲律賓著名甜品Halo Halo，都係menu無的更加無價錢($45)。因為menu無我一直估呢間餐廳究竟有無呢樣名菜呢？點知見隔離菲律賓食客有，所以好驚喜立即跟住order！整體都跟菲律賓的很相似，有齊蒸蛋、大樹菠蘿、蛋卷等，但最可惜的是用了芒果菠蘿Vanila三色雪糕取代招牌的芋頭雪糕，美中不足。這點我都有跟太子爺反應，也認同他說香港很難找到好味的香芋雪糕。
整體絕對覺得呢間餐廳充滿誠意和心機經營，而且味道都好好，絕對會帶朋友來光顧，KEEP IT UP！唯一改善空間是餐牌要eater-friendly點，和drink及dessert價錢都要清楚標示一點。
Other Info. :
Openrice的優惠卷條文不清不楚，應該寫明$68是午餐價錢。
(The above review is the personal opinion of a user which does not represent OpenRice's point of view.)
Post
