Video
Read full review
2024-08-21
265 views
屋企附近開左間新派素食餐廳，都試過早餐同午餐，今次試埋佢晚餐。好有驚喜。以前認識素食都係離不開食齋，菜式比較中式。而加都多左好多人食素，素食餐廳既種類就多元化左好多。😋素窩蛋免治牛肉煲仔飯 $168見到西式有煲仔飯好新奇，就叫黎試下。佢既飯係用意大利米，即係Risotto。素食當然唔會有肉啦，佢既肉係用紅菜頭, 大豆, 雜菌, 白露菇加五香粉自家製，如果唔係店員同我講，真係食唔出係用哩d食材整出黎，口感同味道都好似免治牛肉。廚師真係有料到，要做到色香味同埋賣相似都真係應該花左唔少功夫。再配上特製醬汁溝埋一齊食，真係超好味。另外配上一粒賣相好似荔枝既果點，但其實係由紫薯,淮山,桂花蜜糖整成既，又係好新奇既配搭。仲有一碗好似南瓜湯既湯，但其實係甘筍粟子湯，無落奶的。一般全素都比較少用奶製食品或飲品。但飲落去又會有好滑同好香既味道。 😋瑪格麗塔薄餅 $118同一般既瑪格麗塔薄餅都係一樣，有羅勒葉，蕃茄仔，相信芝士就會用無奶芝士做食材。但口感同味道都無乜大分別，薄餅底烘得剛好，好清新既感覺。另外配上一碗磨菇湯，當然都係無落奶，都好好味，同樣都係好香滑。😋素炸魚皮配咸蛋黃醬 $58賣相係扮炸魚皮
😋素窩蛋免治牛肉煲仔飯 $168
見到西式有煲仔飯好新奇，就叫黎試下。佢既飯係用意大利米，即係Risotto。素食當然唔會有肉啦，佢既肉係用紅菜頭, 大豆, 雜菌, 白露菇加五香粉自家製，如果唔係店員同我講，真係食唔出係用哩d食材整出黎，口感同味道都好似免治牛肉。廚師真係有料到，要做到色香味同埋賣相似都真係應該花左唔少功夫。再配上特製醬汁溝埋一齊食，真係超好味。
另外配上一粒賣相好似荔枝既果點，但其實係由紫薯,淮山,桂花蜜糖整成既，又係好新奇既配搭。
仲有一碗好似南瓜湯既湯，但其實係甘筍粟子湯，無落奶的。一般全素都比較少用奶製食品或飲品。但飲落去又會有好滑同好香既味道。
😋瑪格麗塔薄餅 $118
同一般既瑪格麗塔薄餅都係一樣，有羅勒葉，蕃茄仔，相信芝士就會用無奶芝士做食材。但口感同味道都無乜大分別，薄餅底烘得剛好，好清新既感覺。
另外配上一碗磨菇湯，當然都係無落奶，都好好味，同樣都係好香滑。
😋素炸魚皮配咸蛋黃醬 $58
賣相係扮炸魚皮，食材用到紫菜做出個形態真係同炸魚皮一樣。好鬆化酥脆。咸蛋黃醬係用腰果加蛋黃製成哩個醬汁，成件事真係以為自己點緊咸蛋黃醬食緊炸魚皮。
😋純素蝦片 $58
蝦片賣相係一樣，當然唔可以有蝦。廚師用到全甘筍做食材，真係完全估唔到，真係好驚喜。感覺食哩個蝦片好健康咁。
😋燕麥香脆蘋果金寶 $78
最後試埋佢既甜品，我都好鍾意食哩款甜品。平時就會有紅蘋果肉粒，雲呢拿雪糕。哩款素食甜品用到青蘋果肉粒，配上燕麥雲呢拿醬汁。味道同口感都好相似，好好味。
因為平時比較少食素食，都想了解多d。有位店員好用心解釋晒每道菜用咩食材製成，成餐都充滿驚喜。我對哩度既食物不論賣相或味道都評分好高。如果你地係素食者，極力推薦你地黎試下。如果好似我咁想感受下咁健康既分子料理餐都可以黎試下。
*食評純粹個人口味意見
⭐️⭐️⭐️⭐️⭐️（5星為滿）
Vegmind
西灣河鯉景灣太康街45號蘇豪東B期地下GB18-20號舖
Post
