楓 (Closed)

嚟到旺角嘅鬧市一直都唔愁搵唔到嘢食，不過呢一間餐廳有好多自家主打產品。雞肉咖喱烏冬，味道幾特別，因為佢個咖喱湯底係有少少酸味，食落去醒胃唔油膩。有少少北海道咖喱嘅香味。個人最鍾意佢呢款帶子大阪燒，味道調控得非常之好唔會鹹，仲食到入邊有好多粒帶子！黑芝麻醬蛋糕又係另一驚喜，拎上枱已經俾佢大細嚇咗一跳，我諗可以完全夠四至六個人食。黑芝麻醬非常之濃，如果鍾意食嘅朋友一定會超級鍾意！