茹絲葵牛排餐廳

見唔係好多人食過佢既釀全雞，真係好想寫返篇推介下佢既雞！因為真係可以比美同食牛一樣既享受！不過今餐食得太開心，完全唔記得影食物相....已經唔係第一次食哩間，之前同朋友一齊食都非常滿意！今次仲多左啲驚喜！首先我地叫既係1份牛排餐加釀全雞，佢見我地兩個女仔，上餐湯時已經幫我地分好左兩碟，我地仲諗緊，會唔會係誤會左我地叫兩個餐，原來係佢自發幫我地分左唔使自己問佢拎碟仔畢來畢去。再黎就上主菜了，雞同牛都係幫我地分埋！個牛仲要分落兩隻已經有哂dressing 又焗到熱既碟上，個牛係我食過洲際，age 等等入面數一數二的！牛味極濃，加上牛油同少量海鹽，真係至高享受！跟住就到今次想講既釀全雞！隻雞入面釀左啲好似係芝士加香草加蒜既蓉，一切落隻雞度，啲落就會好似流心包咁流出黎，個蓉同雞肉一齊食落口！真係超夾！雞皮上有黑椒同少量蜜糖味，焗到好脆，雞肉又嫩，加上個芝士蓉帶起哂個雞既雞味，真係不同口感中帶著濃厚的鮮味！估唔到雞都可以咁好食！食到一半，個經理仲行埋黎問我地食物如何係咪岩口味！食到好飽，但係侍應拎左盤甜品出黎，款款都好吸引，所以又點左個cream brûlée ,最驚喜係佢竟然記得朋友訂位時留左