第一郡 (Moved) New Location

💕😘充滿驚喜的蟹膏蕃茄湯檬🍜😋🥑想不到星期日下午兩點半左右都有咁多人排隊，等了差不多半小時先入到餐廳。我地點左幾樣必吃推介：蟹膏蕃茄湯檬、米紙蝦卷、斑蘭綠豆糕、牛油果沙冰。由於太肚餓，一開始就食左個斑蘭綠豆糕先。斑蘭味好出，但綠豆份量多返啲就好啦。整體味道一般，不算好特別。米紙蝦卷入面有檬粉、蝦、豬肉片、生菜等，味道清淡，所以重點就落左喺濃味的自家製醬汁，比沙嗲味更濃，兩者加埋一齊食好惹味。大力推介的飲品。好滑好creamy，真係啖啖牛油果香味!非常足料! 飲完超級飽肚。建議兩個人share 一杯就好了，留返個肚再食多啲美食。接近每枱客人都必點的蟹膏蕃茄湯檬，真係好大碗好足料，有蟹膏餅、半個大蕃茄、札肉、豆卜、豬紅、生菜，配上鮮甜的蕃茄海鮮湯，好好味。蟹膏餅真係啖啖蟹肉，豆卜索晒啲湯，真係無得頂。不過個檬粉就淋左少少，個人比較鍾意食爽口啲的質感。總括黎講，性價比十分高，值得推介。