Video
Read full review
2018-02-23
1542 views
高街附近有兩間出晒名的台灣食店，出名排晒隊，今日就有幸試到其一，因為有野做11點就已經係附近，見到12點先開門諗住行陣先返黎食，住西環的朋友即刻叫停我，話星期六12點返黎就太遲了，一定要排隊！冇冇咁誇呀？半信半疑之下1145返黎，竟然真係有五六個人排緊omg... 門口仲貼住張紙限時食30分鐘。。。真係要試下係咪咁堅入座後係自己劃紙仔 等左10分鐘就有齊晒食物聽聞最出名係蛋餅，我地就嗌左芝士火腿餡，的確係幾出色，餅皮煙韌又唔會太厚太油，最緊要夠晒熱辣辣！滷水拼盤有蛋 雞翼同豆腐，份量岩兩個人食，蛋同雞翼冇乜特別。唯獨是豆腐好食到不得了，個質地唔係普通豆腐 而且魚豆腐口感～原來魯肉飯同乾伴麵都係fd, 魯肉好入味 肉都煮到腍晒，不過就真係好油，三個人share麵同飯都頂唔順食唔晒，都係比較鐘意食稀d冇咁油膩嘅魯肉飯。紅燒牛肉冬粉牛肉量多，煮得軟腍入味，而且係筋肉相連咁，好滑～～～另外仲有嗌珍珠奶茶，埋單每人約要百幾蚊。食物整體黎講都好味，但有d食完成餐都係同一隻味嘅感覺，同埋食得好趕。如果唔使排隊或者排一陣都可以試下佢～
入座後係自己劃紙仔 等左10分鐘就有齊晒食物
聽聞最出名係蛋餅，我地就嗌左芝士火腿餡，的確係幾出色，餅皮煙韌又唔會太厚太油，最緊要夠晒熱辣辣！
滷水拼盤有蛋 雞翼同豆腐，份量岩兩個人食，蛋同雞翼冇乜特別。唯獨是豆腐好食到不得了，個質地唔係普通豆腐 而且魚豆腐口感～
原來魯肉飯同乾伴麵都係fd, 魯肉好入味 肉都煮到腍晒，不過就真係好油，三個人share麵同飯都頂唔順食唔晒，都係比較鐘意食稀d冇咁油膩嘅魯肉飯。
紅燒牛肉冬粉
牛肉量多，煮得軟腍入味，而且係筋肉相連咁，好滑～～～
另外仲有嗌珍珠奶茶，埋單每人約要百幾蚊。
食物整體黎講都好味，但有d食完成餐都係同一隻味嘅感覺，同埋食得好趕。如果唔使排隊或者排一陣都可以試下佢～
Post
