Tipsy Tap (Closed)

為酒而黎！
一入黎已經見到Banner上面有好多款酒，初時都唔知揀邊隻好，職員就話可以試酒，仲細心問我中意咩味（苦、甜、果味？），最後揀咗5號Reminisce ABV5.2%，味道算係清清地，麥味唔算太重，係易入口類型！店員先送上一碟香脆、鹽味蠶豆，真係令人食唔停！然後第一道菜特濃芝士莎莎墨西哥脆餅，超香脆又夠熱，沾芝士醬又係食唔停。焗田螺配薯泥荷蘭醬
其實幾中意田螺配薯蓉，因為焗完成道菜又香口又夠熱、薯蓉香滑、田螺夠滑又彈牙。而呢間餐廳好細心，整走埋田螺殼，食嗰陣就更加方便！
脆煎濃香西班牙橡果厚切黑豚扒黑豚扒好大塊，表面焦香、肉汁豐富，黑豚扒仲有橡果香味。同碟仲有蘑菇，細粒再配埋炸蒜片，食落都幾好食，其實我好怕大塊蘑菇又太多汁，呢碟細粒粒岩心水啲！
薯條幾幼不過唔夠熱，如果粗身啲再加啲鹽會吸引好多！