Video
Read full review
2009-01-20
40 views
20-1-20092:30pm 先落樓食 lunch, 餓得快扁... 本來想去食碗遊船河, 但行行0下俾呢間0野放0係街角的 banner 吸引了, 結果又0黎試試. 一個人食唔到麻辣烤魚, 只叫了一碗米線及一客小食.小食係麻辣豬耳 ($22): 豬耳切得頗粗, 沾上大量芝麻, 食落爽脆, 帶花椒味, 完全唔麻, 不過都叫做香辣, ok 啦. 不過食0左一半老闆 (?) 先行埋0黎問我夠唔夠味, 又話呢個係小辣,「如果鍾意食辣 d, 可以叫中辣或大辣」... 大佬, 早講0丫嘛!米線係「海鮮魚湯米線」($36): 湯底色水令人卻步, 仲見到兩條「麵粉」蟹柳浮0下浮0下, 心涼了一截... 湯底聞落帶魚(腥)味, 飲落就好淡, 而且好薄,「魚」湯? 米線淥得太腍, 可幸未到「發水」或一夾即散的地步;「海鮮」就係兩條甜甜的「麵粉」蟹柳, 1 隻雪藏但算幾鮮味的帆立貝, 及 3 隻味道帶少少腥的雪藏青口; 仲有幾條腍腍的椰菜絲, 可以不理.呢度應該開0左無耐, 環境新淨企理, 不過 1) 點解阿姐會選擇有客人食緊0野時, 拖一桶漂白水出來洗地板, 搞到成間鋪都係漂白水味; 2)
2:30pm 先落樓食 lunch, 餓得快扁... 本來想去食碗遊船河, 但行行0下俾呢間0野放0係街角的 banner 吸引了, 結果又0黎試試. 一個人食唔到麻辣烤魚, 只叫了一碗米線及一客小食.
小食係麻辣豬耳 ($22): 豬耳切得頗粗, 沾上大量芝麻, 食落爽脆, 帶花椒味, 完全唔麻, 不過都叫做香辣, ok 啦. 不過食0左一半老闆 (?) 先行埋0黎問我夠唔夠味, 又話呢個係小辣,「如果鍾意食辣 d, 可以叫中辣或大辣」... 大佬, 早講0丫嘛!
米線係「海鮮魚湯米線」($36): 湯底色水令人卻步, 仲見到兩條「麵粉」蟹柳浮0下浮0下, 心涼了一截... 湯底聞落帶魚(腥)味, 飲落就好淡, 而且好薄,「魚」湯? 米線淥得太腍, 可幸未到「發水」或一夾即散的地步;「海鮮」就係兩條甜甜的「麵粉」蟹柳, 1 隻雪藏但算幾鮮味的帆立貝, 及 3 隻味道帶少少腥的雪藏青口; 仲有幾條腍腍的椰菜絲, 可以不理.
呢度應該開0左無耐, 環境新淨企理, 不過 1) 點解阿姐會選擇有客人食緊0野時, 拖一桶漂白水出來洗地板, 搞到成間鋪都係漂白水味; 2) 點解老闆會0係自己鋪頭內食煙0架呢? 我0黎食 lunch, 唔係食二手煙喎.
放低 $58, 離開後仲覺得愈來愈口渴. 會否再幫襯真係唔知 (其實好想試試烤魚, 但屋企無人食得辣, 算吧啦...), 但再來的話, 一定唔會食米線了.
Post
