Video
Read full review
2012-02-28
24 views
因為之前無意之中睇到Leonidas Facebook舉行的【Leonidas - 分享‧愛的回憶】活動。想乙水下老公開心，就偷偷地選左我地張婚紗相參加比賽。估唔到竟然俾我地入左圍，仲要中左大獎，可以係情人節當晚去La Parole免費食情人節晚餐。因為睇到個比賽嘅時候已經就deadline，同埋根本無諗過可以贏到d咩獎，所以一直都無留意到究竟有咩獎。當知道自己中左獎之後，第一件事就即刻上OPENRICE睇下喱間究竟係咩餐廳。睇到佢有咁多個讚嘅食評更加希望快D到情人節呀!到左情人節果時，我就預先上佢地個網站CHECK下情人節套餐會有咩食先(做定功課唔係到時去咩都唔知點算)睇到個MENU都已經口水有D流。好啦，講番正題先~La Parole真係好易搵，一出mtr station行一個街口就已經見到大大個牌啦。上到去，應該係經理，佢問我地book左咩名?我話俾佢聽我地係中左獎黎嘅。疑似經理就即刻帶我地入座，仲不忘一句恭喜曬我地添!坐底左之後，員工就俾個menu我地睇~好彩我一早做定功課o者即刻同老公講解有d咩食，老公當然又等我話事啦!首先有一籃麵包，可以~但個人覺得可以再香d跟住就係送嘅小
因為睇到個比賽嘅時候已經就deadline，同埋根本無諗過可以贏到d咩獎，所以一直都無留意到究竟有咩獎。當知道自己中左獎之後，第一件事就即刻上OPENRICE睇下喱間究竟係咩餐廳。睇到佢有咁多個讚嘅食評更加希望快D到情人節呀!
到左情人節果時，我就預先上佢地個網站CHECK下情人節套餐會有咩食先(做定功課唔係到時去咩都唔知點算)睇到個MENU都已經口水有D流。
好啦，講番正題先~La Parole真係好易搵，一出mtr station行一個街口就已經見到大大個牌啦。上到去，應該係經理，佢問我地book左咩名?我話俾佢聽我地係中左獎黎嘅。疑似經理就即刻帶我地入座，仲不忘一句恭喜曬我地添!
坐底左之後，員工就俾個menu我地睇~好彩我一早做定功課o者即刻同老公講解有d咩食，老公當然又等我話事啦!
首先有一籃麵包，可以~但個人覺得可以再香d
跟住就係送嘅小食，麵包上嘅橄欖真係好好味呀!!!
頭盆我地當然一人要一樣啦~可以share食試多d嘢嘛...嘻嘻~老公要左鵝肝，我就要左帶子。鵝肝入口即溶，帶子就好爽口，兩個汁都fresh好正!
我同老公分別選左黑松露菇湯同龍蝦湯，我地都覺得好好味，究其是我果個黑松露菇湯，飲完仲想encore添!!!
到主菜啦~我要左個羊架，竟然唔"蘇"，如果唔係要顧住義態~我真係想用手拎起舊骨連骨邊d肉都食曬佢呀!!!而老公果個牛扒就普通左d，因為成日都食到牛扒同埋易整嘛...所以無乜太大意見~但一定唔un，嘻
最後仲有甜品，成個心型蛋糕呀~~~~造型靚到無得頂!!!但係老公不嬲唔多鐘意食甜品，所以佢唔太喜歡。而我....都係鐘意食甜嘅甜品多d，喱個對我黎講有d酸，不過心意搭夠!!!
臨走仲有盒好精緻嘅Leonidas小禮物拎走添，不過~因為太靚，我到家陣都仲未捨得打開佢...所以唔知入面係點總括而然，今年嘅情人節真係夠曬特別。食物好食，環境夠浪漫，員工服務態度真係一流!!!
再一次多謝Leonidas同La Parole俾左一晚美好嘅回憶我地兩個
Post
