小方糖甜品 (龍崗道)

Open Now

Now Closed

我鍾意食熱嘅甜品，朋友話呢度嘅木桶豆腐花好多人試過都話正，我又試一試啦。都要等幾耐下，好似係即整嘅，因為上到枱仲有計時器同你倒數2分鐘先好開蓋。終於捱過2分鐘，一開成陣熱氣攻上嚟，千萬唔好即刻食，一定會熱傷條脷。第1啖唔加黃糖試下先，真係好清甜，好似細個街邊豆腐花伯伯賣嘅感覺，好幼滑，原舊豆腐花唔會實的的，真心正。一碗仔黃糖夠晒你溝成桶豆腐花，我落2/3碗都夠了。木桶好保溫，一路食到尾都係熱辣辣，滴晒汗。