沙嗲王 (金馬倫道) (Closed)

近排多咗去尖沙咀，但帶住小朋友真係唔係度度都有BB凳（很重要！），今日有啲雨廢事行黎行去搵餐廳，又經開金馬倫道就上去食沙嗲王（知有BB凳）。一坐低就見到個兩人套餐，有我想食的食物選擇，又幾抵食喎，唔洗散叫抵好多！最後仲有包甜品tim 叫完無幾耐食物就好快送到了，先黎飲品，今次主菜老公叫咗個芝士蕃茄焗豬扒飯，味道聽講不錯，我無食，因為我唔鐘意食蕃茄，而我就叫咗個蟹王乜乜飯(sorry, 忘記咗個名)，因為上次食過好惹味，一食愛上之前未食過呢個飯，我次次都叫白咖喱豬扒飯，都好好食，但有啲厭，所以個飯好有驚喜要添飯再添飯 +$5白飯小食就叫咗我最愛最愛的蒜香雞翼呢個真係食一萬次我都可以 太正了！