大良泗記

Open Now

Now Closed

做人最緊要就係飲水思源，可能好多人都會覺得冬菇亭呢啲地方係好污糟，衛生意識好差，但係無可否認呢個就係我哋長大嘅地方。你可能會覺得係佢哋追唔上進度步， 但係我覺得咁樣先係保留香港最真誠最原始嘅味道。坦白講，我就覺得個衛生好好，起碼條街我都覺得係好乾淨。鳳爪排骨飯呢個飯係小弟食過最好食嘅飯。第一，整個飯粒粒分明，唔會似出面一啲over cook嘅飯一樣，煮到糊哂。第二，整個飯嘅飯香都好充足，排骨嘅油亦都充分俾啲飯吸收，好香。第三，排骨係選用新鮮排骨，肉味足夠亦都好乾淨。坦白講，有冇用鬆肉粉我唔知道，但係我覺得個軟淋程度岩岩好。鍾意食中式蒸飯嘅朋友，不妨去試一試。