六両三.台灣食堂

Open Now

Now Closed

成日都聽見啲朋友話去觀塘搵食，但我又無專登去搵，咁啱今日要去觀塘辦少少事，另一半就話記得巧明街有間牛肉麵好出名，所以順利成章一於去試下！因為時間係下午四點幾，餐廳無乜人，超舒服，佈置似台灣又似日本，空間夠，令人感覺好悠閑寫意！我哋兩個都想食「半筋半肉麵」，所以就叫咗一個「牛筋麵」一個「牛肉麵」，交換後就兩個都係「半筋半肉麵」😂 慳咗$20㗎😬湯底兩碗一樣，味道好濃但一啲油都無👍🏼 有少少藥材味但好易接受！牛肉同牛筋都好冧，但食落牛筋好味同惹味啲！另外，叫咗杯凍蜂蜜咸金橘，呢杯飲品有驚喜，好飲，料夠！