Video
Read full review
2015-01-08
785 views
因為屋企離屯門太遠 所以都好少入屯門，因為我有個老朋友新居入伙，所以今次就係第一次黎到屯門VCity 呢個商場。由於搬運公司冇咁早將傢俬送到，所以我地決定落商場食野。由上面扶手電梯落到黎，第一眼最吸引我既餐廳就係羅麥記，因為佢既招牌與其他餐廳既招牌有所不同，佢既招牌特別大 ，離好遠都可以睇到。所以我地決定進入呢間餐廳進食午餐。進入餐廳既一刻，我好像返回到七八十年代一樣。門口的大閘，牆上暗淡既燈光，懷舊既廣告招牌，餐桌上彩色既康樂棋枱紙，另我融入在這個環境氣氛當中。但最特別既係，服務員既制服竟然係一班學生一樣。每一個服務員都充滿著青春，勤奮同用心服務既精神，這是值得一讚。由於，今朝我同朋友都食過早餐，所以今次入黎就食一啲出面好少食既小食。首先我地就叫左豬羅包同避風塘雞翼。
先講下呢個豬羅包，原來二食既意思並唔係二個人食，而係一個包有二種唔同既口味。相入面可以睇到一邊係洋蔥豬排，而另一邊係吉列豬排。因為我唔食洋蔥既關係，所以我就走左洋蔥。先講洋蔥豬排，個包好脆口，可以用外脆內軟黎形容，豬排並唔難咬而且入面充滿住肉汁，食落特別香口。而另外一面就係吉列豬排，沙律醬加上青瓜，生菜同蕃茄味道當然好
由於搬運公司冇咁早將傢俬送到，所以我地決定落商場食野。由上面扶手電梯落到黎，第一眼最吸引我既餐廳就係羅麥記，因為佢既招牌與其他餐廳既招牌有所不同，佢既招牌特別大 ，離好遠都可以睇到。所以我地決定進入呢間餐廳進食午餐。
進入餐廳既一刻，我好像返回到七八十年代一樣。門口的大閘，牆上暗淡既燈光，懷舊既廣告招牌，餐桌上彩色既康樂棋枱紙，另我融入在這個環境氣氛當中。但最特別既係，服務員既制服竟然係一班學生一樣。每一個服務員都充滿著青春，勤奮同用心服務既精神，這是值得一讚。
由於，今朝我同朋友都食過早餐，所以今次入黎就食一啲出面好少食既小食。首先我地就叫左豬羅包同避風塘雞翼。
先講下呢個豬羅包，原來二食既意思並唔係二個人食，而係一個包有二種唔同既口味。相入面可以睇到一邊係洋蔥豬排，而另一邊係吉列豬排。因為我唔食洋蔥既關係，所以我就走左洋蔥。先講洋蔥豬排，個包好脆口，可以用外脆內軟黎形容，豬排並唔難咬而且入面充滿住肉汁，食落特別香口。而另外一面就係吉列豬排，沙律醬加上青瓜，生菜同蕃茄味道當然好清新，而且吉列豬排並唔油膩，所以食落去係好開胃，值得一試再試。
第二款係避風塘雞翼，多數係出面食到既係香茅或者普通炸雞翼，呢個真係第一次食。雞翼上面沾上左炸蒜，另到口感上升左另一個層次，雞翼炸得並唔乾身，而且仲係岩岩好，裡面既肉汁同樣一咬就流左出黎，下次黎到一定要叫二個先夠。
最後就係二杯特飲，我飲既係菠蘿粒粒冰，估唔到既係原來菠蘿粒粒入面既係用菠蘿同菠蘿汁黎雪，我諗背後既意思係兼顧到顧客往往係食野既過程中忽略左飲品，粒粒冰融化左後杯飲品既質素都沒有變化。加上下午既溫度特別高，飲完呢杯菠蘿粒粒冰後，真係有消暑解渴既效果，個人認為夏天既時候飲真係一流。
今次就寫住咁多先 ，下次我一定會再親訪羅麥記呢個咁有特色而懷舊既餐廳!
Post
