Find The Way

Open Now

Now Closed

一行4個朋友食完飯本身諗住食個甜品傾下計，都明白小店座位唔多，一早有等位既心理準備。室外等左半個鐘終於好似睇到去waiting list既頭位。奈何店員不斷比後到既顧客先行入座。一行朋友等左一個小時，眼望住十五分鐘前先留名waiting list既顧客早過我地入座，因為我地登記留既名仲係waiting list既上一頁，剛入座既顧客留名已經係waiting list新一頁，所以我地入店查問： 請問會唔會係漏左叫我地留既名？我地一早登記，仲係waiting list上一頁，但係得到既只有男店員惡劣態度既回覆：冇漏！係冇位架！等下啦！….. 其實係佢多次比兩位既客入先之前， 我地望入店內都見到係有空位，只要店員安排一下，其實一行人一早就可以入座，即使店員唔想驚動已入座既顧客，亦不致於用咁惡劣既態度回覆，畢竟我地一路耐心等左足足一個小時。 非常掃興，要受氣，態度惡劣既食店，再好食都冇用。