RUD燒肉 (秀茂坪商場)

Open Now

Now Closed

已經第二次來，入座一樣係咁混亂，你攞唔攞飛佢都唔識順序叫，真係邊個企得前就邊個有得入先，呢樣野真係好心改下啦。同啊仔2個去食個燒肉晚餐，入座時已經知道用餐時間係60分鐘，2個人比靠牆巴枱位都唔緊要，咪分開左右咁燒囉，當然嗰感覺就怪怪地😥😥上菜時間係快嘅，但老老實實，燒肉都真係要時間，牛肉就話快啫，雞同豬點都要燒耐少少掛，已經睇住時間快快趣燒哂佢，自己準時戴埋口罩，就係啊仔仲揾緊嗰口罩嗰一殺拿，職員就走埋嚟話：其實你地已經夠鐘架啦，已經遲左架啦！！我望一望張單再望一望電話，係，我的確係遲左，遲左1分鐘😑😑哇~嗰下真係唔知講咩好，我已經戴好口罩，攞定銀包，起左半個身都要比你話遲1分鐘😥😥附近都有好多餐廳嘅，多一間唔多，少一間唔少囉。