星星 Pho Cha

Open Now

Now Closed

本來同男朋友plan好嚟緊11月去韓國睇紅葉，點知佢公司突然出announcement話唔比11月攞假，真係嬲到震！男朋友為左氹返我，應承成個月都同我成韓國菜補返數，同埋任我買韓國護膚品，咁就算佢啦，今晚佢就揀左呢間喺佐敦嘅餐廳同我開餐！首先歎下免費豐富前菜，總共有7款，好味，好正，好開胃，食下食下心情都即刻變返好。作為一名韓粉加職業吃貨，次次食韓菜必點芝士炒年糕，最鍾意佢一上到檯，熱辣辣既煙氣帶著香辣味散出黎，將d芝士同年糕mix埋黎食，煙煙韌韌口感一流，最正係入面仲有埋韓國拉面，粗粗地既麵質索晒d辣汁，兩個人share分量剛剛好。今晚既主角係韓國國民美食一：土豆豬骨湯！土豆即係馬鈴薯，d薯仔慢慢熬到成泥狀，冒著燙口既風險都等唔切放入口，勁鬆軟，而d豬骨就燉到好嫩，直接用手攞住食先夠過癮，咬落軟軟嫩嫩，其實輕輕一撥d骨同肉就會分離，熱辣辣由頭暖到腳，而家有少少涼既天氣食係唔錯。辣辣地既湯頭配飯一流，好濃郁好好味。呢道既食物味道夠正宗地道，加少少幻想就當自己喺韓國囉！