金記客棧 (Closed)

熟PJ嘅朋友都知道，數碼港絕對係我哋其中一個常去嘅地方，原因好簡單，因為可以帶埋寶貝小松松散步同食美食。之前通常都係去2樓間西餐酒吧，但自從金記客棧開張後，我們就多數幫襯這間食物水準及環境都對板的港式食肆了。上次試過這裡的燒味有料到，今次決定encore。先來明爐燒鵝($260-半隻)，皮脆肉香，鵝味亦重，加埋酸甜醬一齊食，食多兩件都唔怕膩。今日有兩位食肉獸在場，叫多點肉都唔怕。貴妃雞($148)肉質嫩滑，雞皮亦有彈性，唔錯。脆皮燒腩仔($88)皮夠脆，豬肉亦沒有醃至過鹹，脂肪與肉的比例恰好，肉質鬆軟。這裏的燒味出品比很多大酒家還要有水準，難怪在場很多食客都有叫。以往在數碼港，出了名埸內的食肆都不用等位，但今日金記lunch time繁忙時段全埸爆滿，還有好幾組客要等位，睇情況金記客棧已成功取得附近居民的注意及信心，希望我們下次來時，不用等太耐才有位吧!