Grill ขนทอง (駱克駅)

Open Now

Now Closed

同朋友去開銅鑼灣行到攰攰地，下午茶時段就黎左「Grill ขนทอง」食啲嘢醫下肚。佢哋呢度全日都有供應All-day set。套餐有多款泰式飯/串燒選擇，再免費跟餐飲，所以無論幾多點都可以入黎食個飽飽嘅快飯。泰式串燒雞肉配菠蘿炒飯。呢個套餐有3條雞肉串燒，串燒燒得幾有火候，有淡淡炭燒香。雞肉都唔會話好乾！配沙爹醬幾好味。菠蘿炒飯炒得都幾乾身，調味香口，菠蘿粒同提子乾增添口感同甜酸嘅味道。泰式豬手豬髀飯。豬手煮到好軟好入味，入口係滿滿骨膠原嘅感覺。個泰式酸辣醬微辣，都係好惹味好開胃！另外再有散點啲串燒試下。豬頸肉必點！好重炭燒香，肉質好爽口。泰式魚餅香料味突出。白鱔皮脆肉嫩。