Video
Read full review
2017-05-13
2665 views
母親節前夕的星期五，當然唔可以hea食已經想試aqua好耐，終於book左6:30入座，享受佢地招牌黃昏晚餐黎aqua不得不提佢的環境同景觀，當然係盡覽全維港景，餐廳環境setting都好西式modern feel，襯埋全海景，果然係冇得輸！食物方面，意日fusion菜，十分唔錯！ 野菜天婦羅炸得好好，唔油。話明fusion菜，當然有意大利元素，就係個汁啦！黑松露汁超級香有啲紫菜再增添香味，真係好好食，用黎點麵包都一流！相信好多人見到餐牌：芝麻醬伴波菜，都唔會揀。但絕對唔係普通的芝麻醬波菜！首先賣相一流，相機表示好好味！波菜切左扎實成筒狀，鋪上芝麻，勁有口感！加埋好濃郁的自家製芝麻醬，味道好似咸的芝麻糊超香芝麻味！鐘意芝麻的真係唔好錯過！麵包冇乜驚喜，暖暖地，都算新鮮，外脆內軟都算唔錯，但未算滿足到麵包控的我，只屬ok. 主菜方面都幾有水準。燴牛面珠好林，入口即溶，好香牛味，非常出色！雲吞就好迷你，而且係凍的，亦有啲硬，唔夠味。汁燒肉眼非常好味，肉眼燒得啱啱好，燒汁係日式料理個種，配合牛食好夾。唯一係個肉眼略嫌肥比較多。薯條完全失敗，又唔熱又唔脆，好差。小番茄係煮過的，加上少少鹽係上面
已經想試aqua好耐，終於book左
6:30入座，享受佢地招牌黃昏晚餐
黎aqua不得不提佢的環境同景觀，當然係盡覽全維港景，餐廳環境setting都好西式modern feel，襯埋全海景，果然係冇得輸！
食物方面，意日fusion菜，十分唔錯！
野菜天婦羅伴黑松露麵豉紫菜汁
64 views
0 likes
0 comments
野菜天婦羅炸得好好，唔油。話明fusion菜，當然有意大利元素，就係個汁啦！黑松露汁超級香
有啲紫菜再增添香味，真係好好食，用黎點麵包都一流！
芝麻醬伴波菜
61 views
0 likes
0 comments
相信好多人見到餐牌：芝麻醬伴波菜，都唔會揀。但絕對唔係普通的芝麻醬波菜！首先賣相一流，相機表示好好味！波菜切左扎實成筒狀，鋪上芝麻，勁有口感！加埋好濃郁的自家製芝麻醬，味道好似咸的芝麻糊
超香芝麻味！鐘意芝麻的真係唔好錯過！
麵包籃
60 views
0 likes
0 comments
麵包冇乜驚喜，暖暖地，都算新鮮，外脆內軟都算唔錯，但未算滿足到麵包控的我，只屬ok.
燴牛面珠肉及雲吞
82 views
0 likes
0 comments
主菜方面都幾有水準。燴牛面珠好林，入口即溶，好香牛味，非常出色！雲吞就好迷你，而且係凍的，亦有啲硬，唔夠味。
美國肉眼汁燒
126 views
1 likes
0 comments
汁燒肉眼非常好味，肉眼燒得啱啱好，燒汁係日式料理個種，配合牛食好夾。唯一係個肉眼略嫌肥比較多。薯條完全失敗，又唔熱又唔脆，好差。小番茄係煮過的，加上少少鹽係上面，唔酸幾好食。
意大利小麥粒配扇貝,龍蝦,花椰菜汁及甜酸蔥片
97 views
1 likes
0 comments
小麥粒好有口感，扇貝幾新鮮，龍蝦亦爽口，配合酸酸地的汁，整體感覺好fresh。
甜品拼盤
120 views
1 likes
0 comments
甜品拼盤，最少兩位先可以叫。有5款甜品，朱古力心太軟、雲呢拿雪糕、tiramisu、檸檬sobet、焦糖布丁，全部都係西式經典甜品。1. 心太軟好正，朱古力唔會太甜，裡面當然係流心啦，外面蛋糕好鬆軟，出色的心太軟。
2. 雪糕好甜，唔鐘意。
3. Tiramisu, 我本身唔鐘意食，唔識品評，但味道唔錯，口感好mousse
4. 檸檬sobet簡直係亮點！成個檸檬裡面裝滿好fresh的sobet，檸檬味strong得黎唔會太酸，好好食！
5. 焦糖布丁一般水準，但有少少薑味，幾唔錯！
我本身唔鐘意食西式甜品，但都清哂，可想而知真係幾好食！
68 views
1 likes
0 comments
食物環境都好出色，難怪一直都係咁受歡迎。黃昏晚餐食到8點仲睇埋幻彩詠香江添(雖然冇特別，但都幾有氣氛)!
Post
