Aqua (Moved) New Location

一直都好想試依間餐廳，因為身邊好多朋友都有推薦過，決定係女朋友生日黎試一試，頭盤有生豪，但奈何腸胃唔係咁好最後都無食到有啲浪費，佢仲有個枝豆咸咸地真係幾好食😂頭盤係巴馬臣火腿，味道都尚算正常。跟住有最鐘意食既魚生🙌🏻有啲炸物 但唔記得左個名嚕跟住係意大利飯，少少咸同埋可能因爲高級餐廳關係份量真係有啲精緻😂唔夠喉，但真係幾好食跟住係自己整既鐵板牛，真係全晚最最期待既一刻，幾多成熟由自己控制，入口即溶😋魚就正正常常加錢既甜品拼盤，如果鐘意食甜品既，係會好滿足總體黎講，食物質素係okay既，但食完會唔夠飽，氣氛好好，環境睇到海好開心，價錢合理。

今日upload 相發現搬左。但其實黎Aqua 食都係為左個境。5年前老公同我慶祝生日黎Aqua 食sunset dinner ，環境食物都唔錯。主菜的牛柳，好正個甜品拼盤都好，有5款。之後結婚一週年都係到慶祝。今年再回來，價錢無變, 麵包無左， 甜品拼盤無得加錢，甜品同我想像的唔同左。牛柳細左好多，但個pizza 真係好大，食到好飽。但搬了，下年都未必會再回來食啦。

Beef tartare 🐄 $288 (8.5/10)份量比想像中大 最有驚喜係面頭塊脆脆 整得好精緻 仲帶點閃粉效果 食落味道超重薯仔味 完全好似食緊塊薯片咁 他他面頭都有啲調味 所以完全唔會腥Pizza con aragasta 🍕 $398 (7.5/10)呢款Pizza係佢哋其中一個signature dish 龍蝦份量都幾慷慨 鋪滿晒成個Pizza 但可能因為比較多汁 所以浸到塊皮好淋 有啲難拎起 雖然係薄皮 但係個皮實在係太薄連個龍蝦汁都唔係好承拓到🌟Tiramisu 🍰 $168 (9/10)全晚最有驚喜應該就係呢個甜品 賣相非常靚 係一個朱古力球形 另外仲有個朱古力醬分開上 原本以為係溶個球體 但原來個醬汁係凍嘅 所以應該純粹想加重個朱古力味 雖然叫tiramisu但係佢有少少似cheesecake嘅fusion因為頂層係鋪滿住cream cheese而底部就係有啲手指餅 整體黎講唔會太甜 味道唔錯OVERALL: 推薦😆 (8/10)餐廳位於大廈嘅頂層 絕對推薦佢個一望無際嘅海景 特別係當日天氣好好 可以飽覽晒成個維多利亞港夜景 真係超級靚 環境比較昏暗 幾有氣氛

之前book咗Rosewood嘅staycation，佢就跟呃客嘅一餐晚餐，係three course dinner set上到去佢個環境真係好靚，見到好多人都係喺嗰度慶祝生日，或者係周年紀念，張枱係望住維港個景，真係好靚呀個景色。嘢食方便前菜我哋分別揀咗，三文魚魷魚刺身，同芥末豬肉餃子。個魷魚刺身幾好食喎，爽口得來又濕濕地佢處理得幾好。個芥末豬肉餃子就冇咩特別，同平時係居酒屋食嗰啲日式餃子差唔多，都係脆皮嘅。主食呢我就揀咗石燒和牛西冷，同三文魚加帶子石燒和牛西冷覺得依一個就普普通通，同平時居酒屋嗰啲差不多。牛肉嘅質素都唔算係特別靚，食唔出係和牛或者好貴嘅牛。三文魚加帶子呢個就真係超好食啦，首先三文魚同帶子都冇overcook，煮得好嫩滑，而且個汁都非常之特別，有啲似千島醬但係有酸酸地，配三文魚加帶子非常好食。而且佢出面係有黑色嘅炸漿包住三文魚同帶子，有啲似平時食吉列牛咁，但佢就煮得好趣，炸得來又冇令到啲三文魚或者帶子好油膩或者過熟。呢度菜仲要擺盤都好靚，好精緻咁。甜品叫咗個Tiramisu同埋雪芭個雪芭就好酸檸檬味，而Tiramisu就唔夠滑身啦。但係我哋嗰日食係夜晚七點幾，餐廳嘅環

一個月前叫老公訂Aqua 慶祝生日。見有人post 過d環境好靚，食物評價有好有唔好，但都想試吓。去到，首先我唔知道呢啲地方食晚飯有限時，仲寸嘴話得以前得個半鐘？我哋又唔係食sunset dinner, 有d r 頭。 咁無辦法，入去坐低先算啦。我地坐嘅位置好好半圓枱因為有小朋友又唔飲酒.所以就單點。冇叫signatory menu. 烤八爪魚，very tasty and juicy 好好味個Angus beef 做得剛剛好海膽海鮮炒飯及個牛油果鳗魚反卷係好好味Margarita Pizza 就餅皮好薄，我哋要點兩個先夠😂最後我點了個Tiramisu ，佢哋見到我扎花知我生日，特別上盤，我哋好開心。全程員工都好nice 好熱心，特別個好高嘅外藉女員工經常過嚟同我地傾計，又叫我地坐耐啲，又guide 我哋去影相位，又幫我地影相，非常熱心。令到我比較cool 嘅老公都話會再去。野食係貴少少，但景，服務，值得再去。

-去到門口已經覺得好高級，原來有被亞洲時代雜誌評選為全球七間最佳夜宴景觀餐廳之一👍🏻👍🏻餐廳都唔少外國人同外國職員👩‍💼-👅：石燒和牛西冷尼個真係暫時食過最好食既牛👍🏻👍🏻完全無根，超級淋，因為要自己燒佢，所以可以自己控制熟度，不過唔洗驚易痴低，因為而且和牛比較厚，不易痴底。-👅：餃子🥟不過不失😂同出面無咩分別--👅：甜品方面就有兩個去揀，我就簡左Tiramisu同lemon sorbet。Tiramisu味道係唔錯balance就酸到傻😂😂😂-總結如果係慶祝節日都幾值得去👍🏻

🇭🇰尖沙咀靚景餐廳-Aqua多謝老公帶我去食呢間有超級無敵大海景嘅高級日式餐廳，黎到呢到食物質素反而唔係重點，因為正係食個景都抵返哂！🤣⁡1️⃣石燒和牛西冷 $728Stone beef係呢間日式餐廳嘅招牌菜，果然係和牛級數呀！食落去一口即溶😋，可惜呢個價錢黎講份量實在太少，唔太夠喉🤣⁡2️⃣海膽意粉 $348呢個比預期中好食呀😍，意粉creamy得黎又唔會太漏，海膽份量都唔少！⁡3️⃣水牛芝士、意大利風乾火腿配火箭菜沙律薄餅 $338餅底係好脆嘅薄身餅底，水牛芝士同風乾火腿都好好食😋！⁡4️⃣生牛肉他他 $268前菜食左個生牛肉他他，又幾特別喎！佢有好多唔同嘅醬料比你揀黎放落去個他他到撈埋一齊食，食完好開胃，用黎做前菜真係一流👍🏻⁡5️⃣Cheese cake $148最後揀左個芝士蛋糕黎做生日蛋糕，完滿結束呢次生日飯😋😆⁡另外開左一枝白酒 $838💰二人連加一合共$3028⁡

上菜好慢吞吞叫侍應就算同你點頭都唔會行過嚟每一個侍應好似冇經驗咁仲要收咁貴一啲Service都冇唔值呢個價錢食嘢一般！地方可以，但係越夜就越嘈，音樂太大聲！去投訴佢哋上菜好慢有個鬼佬過嚟空我哋話我可以比湯我哋飲喎當然冇飲啦後尾有個識講廣東話啲菜就上快D好嘅侍應我諗得一兩個唔好嘅事影我諗有一打完全呢個價錢影響我食嘢好唔抵激鬼氣

朋友一早網上訂咗位點知原來對海嘅位置要訂位嘅時候講定先同埋有最低消費最後被安排到邊邊啲嘅位雖然都見到海但係就冇咁正中環境比較暗 枱面有支燈 唯一嘅光源😂晚餐有set可以叫 每人988 加一最係我哋冇叫到set叫咗一個龍蝦墨汁意大利飯熱辣辣上嚟好香龍蝦食落好新鮮點埋墨汁一齊食令到個飯更加香仲叫咗一個炭燒牛柳配黑松露薯蓉牛柳係用一個兜上面墊住荷葉上菜嘅時候已經切好咗一件件牛柳一口一啖個人覺得牛柳比較韌配埋個汁更好食比起主菜牛柳更喜歡配菜薯蓉黑松露唔係太重味唔會完全蓋過薯蓉嘅香味三樣嘢食加一支有汽水一共$1300埋單雖然價錢真係好貴 但係食物真係幾好味嘅再加上對住個海影多兩張相 會值番🙈😂

好貴但唔好食 份量好少服務態度好差 次次叫侍應都回應手勢 轉身行左去 幾想比返個手勢佢真心得個景叫做睇得下 三文魚刺身 同餃子完全唔好食 去donki 仲好食啲不值得推介 仲慘過去大家樂成餐野最正常係粒士多啤梨🍓

今次Book 呢間係因為週年紀念日，諗住book間好啲。點知個經驗真係畢生難忙，係差到畢生難忘。首先我地點左4個餸先，試試水溫，之後唔夠再order. Total $16001) 火腿西蘭花 -幾條短肥肉加西蘭花，自己屋企煮好食過佢10萬倍2）黑松露薯容，完全無黑松露味3）Pizza -燶既4）呢個重點，700幾蚊既幾小片所謂既和牛，真係少到一個點野食唔達標準唔緊要，連上菜次序都唔岩，一黎就上左個Pizza, 之後果啲等左40分鐘要催先有，仲有啲服務員超無禮貌。由於野食太難食，我地未食飽已經走左，唔再加單！整體黎講佢除左個景，佢無樣野得！真係就算$3000一餐都無所謂，只要好食同埋有番基本要有既禮貌已經收貨。呢間真係差到有生之年都唔會再幫襯。

Service: 1/5Food: 1/5Environment: 3/5Came here for a two year anniversary with my partner. Environment was nice, had a stunning view of the harbour, so we had high expectations. However, the food and service were really disappointing. To start with, waitresses were huddled in a group muttering to each other during early dinner hours, and ignored my calling to order. (Pretty sure they saw my hand cause they glanced over, but it was another waiter guy that came to my table in the end, and it was

食完先見到咁多負皮我又寫下門口姐姐至Waitress都一般工作Mode不熱不冷外藉推酒既男士比較令人感覺到係高級餐廳但後來waitress推介完杯紅酒原來無既推第二杯好難飲👽又酸又苦 放左成晚甜酒Ok鵝肝可能我不好 覺得除左油味無咩特別下面係薏米+日式燒汁可以食 可以唔食果塊唔記得咩烤魚 肉得1CM厚………薄過茶記豬扒烤完啲肉都無晒水份+少腥下面居然係放紅蘿蔔薄片一齊烤！！真心唔明咩配搭 本身味道都不討好再加埋紅蘿蔔味………自己諗墨汁龍蝦意大利飯偏硬身 無墨汁的 成個飯橙色味道10分的話有5個分係有啲龍蝦肉食下同埋都幾大碟甜品係檸檬芝士 賣相都算幾靚但味道係MCCAFE級走既時候經過4個Staff連門口兩個byebye都無句哩個價錢哩個味道………😂

幾年前嚟過Aqua食飯，雖然食物唔算驚艷難忘，但維港靚景確實令人念念難忘，所以今年生日飯就揀咗嚟Aqua慶祝。今次晚餐好好彩book到窗邊位，維港夜景一覽無遺🌃 我地當晚叫咗兩份前菜、兩份石燒和牛同兩份甜品，整體食物味道都唔錯👍🏻-前菜方面揀咗意大利布袋芝士配蕃茄同埋三文魚魷魚刺生。布袋芝士同番茄配埋開心果、松子和羅勒油，雖然調味簡單清淡，但食落味道幾夾，芝士份量比我想像中多。刺生味道就不過不失，三文魚部位唔算好靚，但都算新鮮。-石燒和牛西冷見到唔少人都有叫，所以就叫咗兩份試試。因為和牛係自己燒，所以可以自己控制熟度，我就鍾意5-6成熟剛剛好。和牛片比較厚身唔會太易過熟，食落有點入口即溶嘅感覺，配埋旁邊嘅炸蒜片真係一流😋-最後甜品揀咗Tiramisu同lemon sorbet，諗住一甜一酸中和下。Tiramisu味道唔錯balance得幾好，咖啡味唔會太苦，奶油亦唔太甜。Lemon sorbet相比之下就比較失望，味道比想像中甜檸檬味有點假🤔-整體嚟講Aqua係慶祝特別日子嘅好地方～ 雖然食物味道比我幾年前嚟改善咗，但食物質素就唔好期待太大啦😂 大家嚟嘅話記得要提早預約定窗口位呀😉

傳說中嘅燭光晚餐真係唔太習慣咁暗，哈哈見隔離枱不停搵電話個電筒照但真心浪漫嘅！望住個維港夜景不過香港地方細，同隔離枱都幾近講番嘢食先！個人認為唔話難食又讚唔出好好食但係呢個價錢嚟講無乜驚喜喎⋯⋯似係集合曬所有中上嘅菜式囉無乜呢個餐廳自己嘅特色咁例如刺身係新鮮嘅但周圍都食到，煎餃子都好味但係可能去上海麵店都食到呢個水準我哋2個人叫咗 golden ticket 個 set 1/冷盤2/刺身3/煎餃子🥟4/意粉🍝& 意大利飯5/石燒牛6/甜品：我哋加左錢叫signature aqua dessert platter 好後悔完全唔好食似食放題水準 好彩都有記得準備支蠟燭同生日牌侍應唔係成日都會經過同埋見到佢哋通常都要搵佢哋兩至三次先見到佢哋出入但係禮貌係OK嘅總括來說：有得睇維港夜景！同埋一次過滿足你幾個願望，可以一試嘅！