La Maison

Open Now

Now Closed

位於舊式商住大廈內嘅一間隱世葡國菜小餐館，由本地兩夫婦主理，感覺溫馨。逢星期四至日更有live band演出。價錢亦都好經濟實惠，前菜$68起，主菜$158蚊，甜品$78。午市時間亦都有供應lunch set，$98起。🥖新鮮烤麵包配牛油及自家製麵包醬，每人$15。麵包上桌時溫熱，外脆內軟，內有堅果同果乾。白酒煮蜆$168，粒粒都好厚肉鮮甜。紅酒燴和牛面頰肉，煮得好冧，牛味濃郁。全晚最驚艷係葡式燒乳豬🐖1/4隻 $370，外皮脆卜卜，十分肥美，脂香十足，配德國酸椰菜、乳豬甜醬同黃芥辣。甜品方面，🍷紅酒啤梨🍐$78，傳統又多功嘅一個甜品，保有啤梨嘅清甜，啤梨下面伴有一塊同樣用紅酒會過嘅橙片，柑橘皮嘅少少苦澀又為呢個甜品加多咗一個層次。