Video
Read full review
2020-11-08
1909 views
呢間有杜生既加持就點都要黎試下，因為佢係《米芝連指南香港澳門》推介加米豬連既關係，所以真係非常之受歡迎，去之前呢就一定要記得記得記得上佢既官網book位，我地都預早左超過一個月去book呢張枱，黎到既時候都見到有啲人想walk in入黎，但都被拒諸門外。Handmade Tagliolini Carbonara正所謂越簡單既野要整得好食就越難，而呢個Carbonara就真係令我地留下左好深刻既印象。呢個Carbonara非常正宗，個汁creamy得黎帶有非常濃厚嘅蛋黃味，同普通係出面食到偏向忌簾味嘅Carbonara好唔同，所以佢嘅顏色亦都非常金黃。面頭嘅煙肉粒直頭係畫龍點精，咸香味十足，招牌菜果然係唔同啲。Handmade Tagliolini with carabineros red prawn呢個手工幼麵同carbonara個款係一樣既，雖然價錢唔平，不過見杜生食得咁滋味又咁出名，點都要試下。呢碟pasta用上大量蝦膏同番茄煮汁，每一條pasta都掛滿濃稠既醬汁，食落蝦味極之濃郁，而且手工做既pasta口感好彈牙，唔似一般既意粉，就算唔鍾意al dente口感嘅香港人都會接受到，
Handmade Tagliolini Carbonara
正所謂越簡單既野要整得好食就越難，而呢個Carbonara就真係令我地留下左好深刻既印象。呢個Carbonara非常正宗，個汁creamy得黎帶有非常濃厚嘅蛋黃味，同普通係出面食到偏向忌簾味嘅Carbonara好唔同，所以佢嘅顏色亦都非常金黃。面頭嘅煙肉粒直頭係畫龍點精，咸香味十足，招牌菜果然係唔同啲。
Handmade Tagliolini with carabineros red prawn
呢個手工幼麵同carbonara個款係一樣既，雖然價錢唔平，不過見杜生食得咁滋味又咁出名，點都要試下。呢碟pasta用上大量蝦膏同番茄煮汁，每一條pasta都掛滿濃稠既醬汁，食落蝦味極之濃郁，而且手工做既pasta口感好彈牙，唔似一般既意粉，就算唔鍾意al dente口感嘅香港人都會接受到，另外仲有兩隻好新鮮彈牙既紅蝦，最重要係伴碟既兩隻蝦頭，入面充滿香濃既蝦膏，一定要將d蝦膏唧出嚟配意粉食，蝦味更昇華。
Seafood Soup in Sicily Style
Starter叫咗呢款海鮮湯，餐廳好貼心分開咗2碗，見到好深既橙紅色就知個湯落足料，飲落海鮮味好濃，質感幼滑creamy，每碗有幾粒蝦同帶子粒，雖然係一個幾出色既湯，不過味道同紅蝦意粉有少少異曲同工之妙，如果order咗紅蝦意粉，呢個湯就可以skip喇。
人均消費：$400
推介指數（10分為滿分）：9.5分
Post
