新麻蒲 BBQ (形點) (Closed)

上星期食過日本燒肉店牛角之後，一直就想再癲狂食肉一次，係形店入面既烤肉店，好似得佢地一間(麻蒲)。撇開宵夜特價餐份量冇預期甘抵食之外，我對整體既菜品都好滿意！首先，佢個涼菜真係不得了，平日食韓式都係泡菜﹑小芽菜﹑海帶……個啲FD, 有一碟菜品我係未見過既，但我估呢碟係紫菜，湯汁係甜甜酸酸，非常開胃！*我食到最後都係keep 住有食，真係好解膩～介紹另一個對茶包係驚喜既驚喜先：爐邊蛋好正！之前食其他舖既爐邊蛋我都係覺我唔夠滑，同埋唔夠Q彈彈既口感。今次就正喇，又滑，又彈，可能我地煮起好耐先食，所以口感更加QQ彈彈，而且韓國菜莆係真好好食啊！肉方面都係好大路，叫左五花肉﹑牛舌(茶包係口感控，對煙um既食物，有一份執著)﹑宵夜烤肉拼盤同埋一份拉麵特別講一講宵夜烤肉拼盤先：如果第一次食，可以先點呢個，一次過試到幾款肉。我地叫左五花肉﹑牛五肉﹑韓國醬醃牛肉。韓國醬醃牛肉會有較濃既米酒味，燒熟左之後，個陣酒香味都依然濃烈。呢個大家要考慮一下自己接唔接受到喔