新麻蒲 BBQ (形點) (Closed)

點餐既時候，餐廳有鐘仔你禁方便叫人，但個鐘係要長禁15秒， 顯示屏先有反應，唔好禁一下就算牛牛湯底好清，不過牛牛就好甜，好腍Kimchi 好大棵，大到要用剪刀剪，味道唔酸又唔辣，奇怪！唔好以為依到既肉好小，食完哂依到都幾飽，不過肉質有D韌,餐廳提供剪刀，剪細舊D 都可以接受爐頭旁邊既蛋可以無限refill(除了蝦米）就連其他前菜都可以refill,不過依個生菜就唔好食多次勒，好 霉唔夠新鮮千祈唔好向上望，抽油煙機超多塵，拜託唔好跌落黎，我地好快食完

叫咗醬油蟹食，問店員拎bbq手套，店員一句無就走咗去，食蟹用手套好正常，韓國同香港韓國食店都會有，但呢間無囉，宜家呢個環境，衛生好重要，呢間店都無提供已好有問題，店員仲要一句無就走咗去，剛剛睇到有人都寫咗店員態度唔好，今次我去都係咁，好明顯呢間食店無理會客人既反映

今晚六點半去到拎飛，等左差不多半個鐘先入坐，期間係外面透過玻璃窗望入去，明明有五，六張咭檯，當時又未超過半數客人上限，但吾明點解一直吾嗌飛，要人等。甫坐係，見到餐牌唯一一個韓牛晚市套餐，價值498元，便嗌服務員落單。第一個服務員扮盲完全無理，到第二個服務員，佢見到我地舉手就行過黎，😮😮係個印度籍既女仔，我地無理照落單，點知開口落單時，頭先扮盲個位服務員走埋黎問我地要咩，心想玩乜吖？？算數。。我照落單。落完單，有位服務員拎左塊鐵板放係我地個爐上面，鐵板既邊邊可以放蛋漿。但鐵板款式同平時去開既韓燒店吾同，因為當燒肉時，d油係會流哂落d蛋漿，一層層油係d蛋上面，見到都無胃口。之後同個服務員講，可吾可以換另一款網格鐵板，佢竟然話燒肉用我地呢款鐵板好d,因為用網板，d油會滴落d火度，嗆火好易燒燶。。。下。。。有邊間韓燒d油吾係滴到落個火度架？d野食咪一樣燒得好好。講反食物，套餐份量吾多，小食得三款，除了泡菜味道正常外，其餘兩款都好難食。平時韓燒用既蒜片都無，醬料得一兜，兩份用。韓牛好鞋，無牛味，難食到震，完全不値甘貴。甘既價錢，有大把選擇，炑八，喜來稀肉好食過呢間多多聲，真心無下一次！

好耐無食韓燒 任食果d質素又麻麻 想食靚d既肉一定係食番跟餐牌叫既 呢間新麻蒲未食過就試下啦 見d食評有讚有彈都唔大期望 食物質素就還好啦 叫左個好多人推薦既護心肉 係幾好食 幾滑 5花腩正常 但偏肥 最得意係餐牌個韓牛西冷 幅圖同真係黎果件明明係肉眼 但就寫西冷 唔好呃我唔識喎 不過都小問題 肉眼都好食 配菜任添 食物就正常 跟著就最多人彈既服務 服務水準就普通啦 全部女待應 換網都勤力 換左大約4次網都係主動埋黎 係有次我岩岩擺件野落去燒就走黎話換網搞到件野燒得唔靚 時機夾得唔好 整體叫普通 未去到話好差既

今日閒日同女朋友諗住開開心心食餐飯本來心情好好，但係去咗呢間野之後一入門口服務員已經西口西面已經比佢搞到唔想食但冇辦法女朋友想食！點左個芝士年糕拉麵 難食到咩咁 杯嘢飲仲離譜明明餐牌寫住用玻璃杯但係嚟到點知變咗膠杯好似入咗茶餐廳咁完全九唔搭八 未撳鐘服務員喺隔離佢竟然同我講叫我撳鐘 你順手得唔得？我未試過一路食一路罵叫個垃圾拉麵食咗兩啖已經冇食啲蛋唔知擺咗幾耐好似隔夜咁雪藏攞出嚟嗰陣時仲有啲冰喺上面 啲前菜食完叫佢refill好似好唔願意咁好似食到佢間鋪咁日光日白太陽曬住個座位都西過人熱辣辣已經九唔搭八仲問我哋燒唔燒烤今日完全比條經理搞到冇晒心情叫埋單又冇人應係咪唔使俾錢啊依家？

今晚和男友入元朗食晚飯，便打開開飯喇APP尋找附近有沒有烤肉餐廳，找到呢間便即管一試。由於晚上八點鬆到達，職員便說九點最後點餐，我們便利用等候入座時間便已睇定餐牌食物，以便入座後可有足夠時間品嚐烤肉。可是當叫服務員點餐時，女侍應走來檯邊，一粒聲音也沒有，只企在檯邊等我開口點菜，完全與客人沒有招呼或互動，當我叫第一度菜後，終於聽到女侍應開口說了一句：重有呢！呢三個字「重有呢」實在太難入耳，故導致整晚用餐心情實在太過失望，因員工服務質素實在太差勁了，說實話食物質素也是一般。

第一次食呢間位於元朗Yoho既韓國🇰🇷燒烤首先要讚一讚個抽氣設備不錯 燒烤既過程一d都唔覺得好熱同埋油煙勁 座位都算寬敞舒適 近窗邊既卡位仲有落地玻璃見到園景 幾開揚 👍🏻-食物方面 我哋係食下午茶時段 我哋分別叫左一個午餐套餐同埋一個happy hour 套餐 -前菜 應該有四小碟 都係凍食 我自己幾鍾意kimchi同埋辣菇 其餘兩款唔識欣賞 😆 個kimchi簡直係救命草 一陣話你知點解-燒烤Happy hour set ᴴᴷ$258套餐包括：三款牛+一款豬+蝦+蔬菜菇類所有肉類都好好食 醃料入味 肉質鮮嫩多汁 只是份量少左d咁啦😂 燒烤爐圍住既黃色小圓圈其實係蛋 用燒烤爐既熱力整熟d蛋 都幾得意 當然就唔好預d蛋好滑啦 但味道唔算差 另外仲有一碟生菜🥬用黎包住d燒肉食 但做d又唔做d咁 有生菜但無生蒜🧄好寡 所以無用到 -韓式清燉牛尾湯+白飯+柚子青檸梳打ᴴᴷ$82上檯時湯和飯都熱辣辣 立刻將飯倒入湯內當湯飯吃 可惜湯無咩牛味 可以話淡而無味🥲🥲 要加上配菜既Kimchi先好d 牛尾數量都幾塊 算多 不過又係無咩味 柚子青檸梳打正正常常-整體用餐體驗不錯 下午茶價錢都算合理 環境

是晚訂了位，入坐後發現全晚都有空檯，坐位供應並不緊張，由於已訂位之關係，前菜及蛋液已經放好在檯上及爐邊，惟獨我與朋友不喜歡蛋中有泡菜，固原來貼心的安排，我們便要慢慢將泡菜取出。點了一客牛肉套餐，一份豬護心肉，一客午骨湯牛的質素高，每一款都好好食護心肉有驚喜，好香口，甚至有少少似牛肉味牛骨湯好甜，可惜無跟飯生菜無限量供應，蒜片可以問侍應取，不會主動提供最後加了一客冷麵，無特別最遺憾嘅地方係蛋液加了有味精上湯，咸到拿喉嚨，第二轉不加泡菜亦然，真係失敗之中嘅失敗

今日下午行過元朗Yoho，見到呢度唔使排隊入嚟試吓。叫咗兩個午餐，一個係牛肋骨飯，一個係燒肉餐（牛肉和豬肉）。餐前小食好豐富，餐廳亦唔孤寒，四碟大大碟，有泡菜，木耳，醃菜同芽菜。泡菜和木耳好好食，其他兩款比較酸。主菜方面牛肋骨飯啲牛好林，好入味。份量都好足料。白飯都熱，非常好👍。燒烤餐有牛肉，豬肉，冬菇。冬菇一般。牛肉，豬肉就入味，有驚喜。而且餐廳提供生菜，令到食燒肉除咗配白飯外，有另一個好嘅選擇。午餐提供特飲，蜜桃茶水準一般，不過不失。$220嘅午餐，食物盡量好足夠。今餐我好滿意😋。

喺疫情下食飯明白限聚令係兩個，等位攞飛表明三位兩大一小，當等咗大概45分鐘之後佢居然比一張前後枱我哋，話因為限聚令所以要分開坐，我同佢講可唔可以等隔離枱唔要前後枱，等多一兩張都冇問題，店員話唔可以，佢安排我坐前後枱嘅時候其中有張枱已經有一個陌生人坐咗喺度，我問點解有個陌生人可以坐隔離枱（有Partition）我哋唔可以等隔離枱呢？店員堅持話唔可以只可以前後枱如果隔離都要隔一條巷！問題係點解佢當初攞飛嘅時候唔講明要隔一條巷或者前後枱呢？要安排去到有位嘅時候先講，如果平時普通餐廳其實前後枱我都唔介意，但係呢間餐廳係食韓國燒烤我點樣可以分開兩張枱燒嘢食呢？ ？店員話可以安排兩個燒烤爐俾我，但係食物我點樣可以share呢？點解可以同個陌生人坐又可以同一張枱呢？

早排去咗YOHO MALL入邊一間韓式BBQ餐廳度食五市套餐，係食飯㗎 ！唔一定要食韓燒！一坐低店員就俾咗伴菜我哋食，一路食伴菜一路睇餐牌揀嘢食！午市套餐有分$72 ， $82 ，同埋$92 ！每個餐都會包餐飲，連梳打都包埋㗎 ！我哋就叫咗以下依兩個餐！海鮮嫩豆腐鍋配白飯！喺韓國食過都幾辣㗎，但又真係好好味，以香港呢間餐廳就調教左嘅味道比較適合香港人，辣辣地又唔算好辣，就咁配飯都好好食呀！入邊仲有豆腐同海鮮，份量都幾足㗎 ！另外仲叫咗呢個牛肉石頭鍋飯，有牛肉，菠菜，芽菜，冬菇，翠玉瓜，蘿蔔絲，仲有個煎蛋！再加上韓國特色辣醬，撈埋一齊食，真係好好味㗎 ！之前其實都唔明咁多菜加埋一齊係咩食法，但係食過真係會鍾意佢㗎 ！仲叫咗依杯蜜桃梳打，上面仲加咗塊青檸俾我哋！唔錯唔錯！

感激好友🙏🏻🙏🏻百忙之中抽時間請我食生日飯！🥰經過上星期一連串嘅西餐生日飯之後，開始有啲悶悶地...所以今日揀咗lunch嚟食韓燒！呢間嘅晚餐同屋企人同朋友都食過好多次，食物不過不失囉...但係唔期望會有驚喜！坐低之後例牌先嚟幾碟韓國冷盤小菜同埋泡菜蛋，都係任添任食...但係每次都唔會encore, 因為真係食唔到咁多啊!我哋兩個女人仔嗌左兩個Lunch Set，分量對得起呢個個價錢，不過再多～我哋都食唔晒，傾吓計又燒下咁樣...都幾好呀！

由於疫情關係，諗住食個便宜外賣，見到佢外賣自取有折扣優惠叫咗鮑魚蔘雞湯，平平地食，好過自己煮又要洗碗點知換來嘅成套氣、成肚火、仲要偷工減料😡話明鮑魚蔘雞湯我唔知佢打漏咗個字定點！？結果黎左 「鮑魚殼蔘雞湯」，煮個鮑魚唔見咗得返個殼。。。仲要個蔘湯係冇蔘味嘅其實呢呢啲外賣自取都係整定放落去嘅啫我都仲要唔明點解要等20分鐘咁離譜！忍唔住去客服社交平台投訴，到宜家（3/9到現在）仲未覆會點做！講完！

晚市終於開到九點第一晚全yoho 食肆基本上都要排隊我地七點黎到新麻蒲都等左半個鐘先有得入每張台限二人～所以位相對少左好多因為知依間伴菜同爐邊蛋都係任添所以我地單點一碟肉同一個鍋睇下夠唔夠飽先肉就點左招牌護心肉～再加個海鮮鍋點完菜，就會上一輪伴菜總共四款，大部分都酸酸甜甜為主泡菜唔太辣，偏少少酸生菜包肉食就算新鮮，可能當晚多客，d 生菜去得特別快，夠新鮮好快肉就黎，其實肉就唔算大碟，大約有十五舊到，但因為主要係老公食～所以都夠飽牛味唔算濃，無額外調味，要自己點醬食，口感唔係太韌，都ok海鮮鍋都夠辣，豆腐又滑，青口同蜆份量都夠爐邊蛋我地都係食左一轉已經好飽當晚中途試過響alarm 停左煤氣，有大約十分鐘個爐係熄左無得燒有少少阻礙之外，其他服務都唔錯，後來等飛既人店員都有提示講八點last order, 未必食得切

中年男侍應態度超級差，係門口已經口黑面黑，普通對答都極不耐煩，大聲呼喝啲客，好無禮貌。成個場得佢一個樓面，十問九唔應，食到一肚氣，禁臺面鍾冇人理，啲野食扔上枱，搵啲客黎出氣，做到咁唔想做就唔好做啦。