乜記士多 (Closed)

我好鍾意食格仔餅同雞蛋仔，呢間係我食過全香港最好食嘅!! 第一次食乜記係喺深水埗西九龍中心，食過一次之後就十分難忘，終於等到係佐敦重開分店，依家每一次去佐敦都會特登去買!!乜記的格仔餅，厚實有蛋香，每一次新鮮入口都係外面香脆、中間棉糯，每一啖都令我wow一聲，絕對唔係一般嘅毛巾格仔餅又薄薄一片，只係餅底本身已經一百分，再加埋傳統牛油、花生醬、煉奶、砂糖，對我而言真係神級的街頭美食，完全食到乜記的功架。相比格仔餅比較少食雞蛋仔，但同樣出色，每一粒都十分有口感，每一粒都香脆又棉糯，再加上不同的餡料，次次都有驚喜。即叫即做雖然要等，但乜記真係值得等待!!