乜記士多 (Closed)

建議：襯熱食先夠脆 😋以前一出開佐敦就會去 乜嘜McQ 食番一底雞蛋仔，因為佢地料好足而且新鮮又脆口 🤩今日去開附近，發現原來乜嘜McQ 已經改左名叫 乜記士多。食左甘耐都淨係記舖頭位置，改左名都唔知😳 碌番FB Page 已經追溯唔到幾時改 🙈 但就記得之前講過會係葵涌開新舖 😂雖然佐敦店舖面唔同哂，但食番相同既味道✌🏻而且款式都仲係好多款揀，食開既抹茶紅豆，大推😋真係粒粒紅豆👍今日點左 🥜花生醬煉奶 HK$25 等左大概10分鐘，就有得食啦😌 花生醬味唔係好濃，不過甜甜地😋 如果用埋粗粒花生醬🥜，口感應該更豐富除左乜記 之外，會encore 既雞蛋仔舖仲有 天后臨記😌 搵日又去回味下 🤗

店舖細細，主要外賣，設有一位嘅堂食，趕住附近上堂走咗入去食，服務好好，非常親切。✨味道69分，服務90分，好抵食！.🔸撈烏冬拼魚蛋燒賣($22)落左咖喱汁撈，味道可以，烏冬，燒賣魚蛋都不過不失，佢地主動問我夠唔夠辣，再幫我加咗啲辣添！.🔸麻辣雞翼尖($15)份量都幾多，大概有15隻雞翼尖，食到個嘴好攰😂蒜味鹹味啱啱好，可惜佢個麻辣真係唔夠辣。.🔸朱古力雞蛋仔($20)即叫即整，夠熱夠脆，雞蛋仔入面有溶咗嘅朱古力粒。不過佢雞蛋仔個皮係比較厚實果種脆，要用D力咬，而唔係酥脆。

💛💛💛乜記士多💛💛💛行行吓街覺得肚餓，就打開個Apps睇吓有啲乜嘢黃店可以幫襯，就見到呢一間乜記士多，咁就去睇吓啦。依間舖頭有主食，又有甜食，款式好多💕。主打係格仔餅，大部份都係大路既味道，例如朱古力、咖啡、抹茶等等。榛子朱古力格仔餅 $25我以為係Nutella嗰隻榛子醬，再搽喺格仔餅上面，點知原來係朱古力醬加榛子果仁。小店無呃我，係我一相情願覺得係我鍾意食既味😂。前後等咗大約5分鐘左右，就拎到我哋個格仔餅，格仔餅非常脆，拎住嘅時候已經feel到好鬆化，仲要暖粒粒。影完相打完卡之後，個格仔餅仲係暖嘅😍。粉漿唔算好有蛋味，不過絕對唔會食到啲粉結咗一嚿嚿，全部都好軟滑🤤。唔知係咪因為佢用啲粉好定佢整得好，所以我地食左成十分鐘，食到個枱仔餅都凍左，但仲係好鬆！佢比較厚實，絕對唔係硬或唔鬆。我講嘅厚實唔係食落佢嘅粉漿好實，而係佢裏面唔算多空氣，有空氣嘅地方平均分布係個格仔餅裏面，唔似其他舖咁樣賣空氣，我哋兩個人都完成唔到佢。其實仲有好多唔同嘅小食，例如係撈麵魚蛋、燒賣、腸仔等等，價錢都非常合理。尤其是撈麵餐😆。今次就試咗佢個格仔餅幾好食，除咗我一廂情願以為係我鍾意食嘅榛子醬之外😂。下次會試吓

我好鍾意食格仔餅同雞蛋仔，呢間係我食過全香港最好食嘅!! 第一次食乜記係喺深水埗西九龍中心，食過一次之後就十分難忘，終於等到係佐敦重開分店，依家每一次去佐敦都會特登去買!!乜記的格仔餅，厚實有蛋香，每一次新鮮入口都係外面香脆、中間棉糯，每一啖都令我wow一聲，絕對唔係一般嘅毛巾格仔餅又薄薄一片，只係餅底本身已經一百分，再加埋傳統牛油、花生醬、煉奶、砂糖，對我而言真係神級的街頭美食，完全食到乜記的功架。相比格仔餅比較少食雞蛋仔，但同樣出色，每一粒都十分有口感，每一粒都香脆又棉糯，再加上不同的餡料，次次都有驚喜。即叫即做雖然要等，但乜記真係值得等待!!

Bookmark左一段時間🙈終於黎左食🤣🤣.小店主要係做街坊小食🥰今次係為咗雞蛋仔黎嘅🤣🤣雞蛋仔有10隻味而格仔餅就9隻唔想食原味咁普通咁就叫左咖啡朱古力味($25).雞蛋仔即叫即整😆所以都要等一陣大概等左10分鐘😚新鮮熱辣嘅雞蛋仔就出爐啦😛出爐嗰下即使我企係鋪頭出面都聞到好大陣咖啡同朱古力味🤩拎到上手熱辣辣好脆😆😆第一啖咬落去有啲咖啡嘅甘香味🥰再食落去就有朱古力🍫味2者加埋好match😆.店內有文宣連儂牆🤤係同路人小店🤤💛整體來講雞蛋仔質素好好👏🏻好滿意

雞蛋仔脆度軟度適中，蛋香濃郁，食膩傳統雞蛋仔，可以試試新口味如朱古力、綠茶等，款款都能保證外脆內軟。雞蛋仔的蛋的鮮香和奶的純香完美結合，烤出的雞蛋仔香氣溢，滿街飄散，使聞香而來。另外亦有其他小食如腸仔、魚蛋、腸粉，即叫即蒸，夠新鮮。

是日起得晏想近近地食個小食 又想食返同路人既店 上網一搵見到乜記本身都無諗過咩質素 撈麵魚蛋可以有咩質素可言但服務真心正 我話想加咖喱汁佢地仲會問我夠唔夠仲會問我筷子定叉 真心食過咁多小食店無一間會問返到屋企開餐 有驚喜咖喱汁有辣味嫁價錢又平 野食又正常 咖喱汁又正會再食

叫得雞蛋仔專門店 就梗係食佢嘅雞蛋仔 仲有夾餅（即係格仔餅） 要知道整得係咪好食 有無真功夫 當然要食原味啦雞蛋仔同格仔餅都外脆內軟 隔著口罩都聞到香味 而且即叫即整熱辣辣 另外 格仔餅裏面嘅醬分佈平均 牛油沙糖花生醬煉奶融為一體 又唔會其中一種味特別搶其實 乜記士多係乜嘜雞蛋仔嘅分家 之前係喺深水埗西九龍中心 依家去返乜嘜原址重開 所以特登去幫襯支持 試咗味道都無分別 正！價錢仲係好合理老闆好好人 好親切 公平啲 之前都試過佢嘅燒賣魚蛋 唔太特別 一般水平如果係特登嚟食 就食雞蛋仔同夾餅比較好

見到原店嘜乜雞蛋仔要執笠，之前仲要賣啲唔知乜嘢嘅清潔用品，都覺得好可惜！然後見到改頭換面，賣返D類似嘅嘢，轉左少少格局，咪諗住試下囉…買左個腸粉餐，員工都好殷勤，又sell我買洗手液，都不過不失，但係啲食物就真係麻麻地…腸粉嗰邊係乾嘅， 唔知係點蒸出嚟魚蛋完全入唔到口，有半粒係又乾又硬， 質地又粉，感覺好似未煮完就拎畀你食咁， 食咗第一粒就已經想lur返出嚟燒賣唔難食，但都唔係好食，好重味精會再幫襯，但真係要繼續改進，換過批貨，改善細節…