Video
Read full review
2019-06-28
81 views
最鍾意食廚師發板😍香港越開越多，不過質素參差。呢間真係值得推薦👍🏻不論食物質素、環境、服務都一流！今日叫咗兩個餐：一個楓（$850）有前菜、刺身兩點、燒物、壽司六件、味噌湯及甜品。一個堇（$1150）前菜、創作刺身5點、煮物、炸物、壽司五件湯及甜品。首先有前菜，係炸番薯片，係餐廳自己新鮮炸，味道鹹鹹地，而且相當薄脆。楓前菜有毛豆、菇下面有蒟蒻條，幾好食。仲有水菜配腐皮，水菜食落幾爽口，夾埋腐皮甜甜地。章紅魚刺身配海膽拖羅，整得非常吸睛👀賣相好靚🥰章紅魚咬落去好爽口，我幾鍾意呢隻魚，帶點小小嘅甜味❤️拖羅咬落去好肥美，主角呀！感覺非常之有口感，海膽相對地就變咗配角，但係都好鮮甜😋燒物有燒銀鱈魚，銀鱈魚一般都非常好食，呢個食落去唔會好油，而且有魚嘅肥美，味道夠林夠香，個皮又燒得香脆，醬汁惹味😚中場有個小食係核桃小女子，我本人幾鍾意食小女子，甜甜地🙂堇前菜同楓封餐一樣，再多一個麻醬山藥，食落去好爽口，不過帶點苦苦澀味，幾特別。𩶘魚刺身淋淋地帶有鮮味！生蠔非常之大隻，好creamy厚肉，非常之新鮮，呢個真係好食🤩刺身有吞拿魚、北海道帶子及牡丹蝦，吞拿魚呢個部位肉質淋淋地，充滿吞拿魚味。帶子大粒爽
今日叫咗兩個餐：
一個楓（$850）
有前菜、刺身兩點、燒物、壽司六件、味噌湯及甜品。
一個堇（$1150）
前菜、創作刺身5點、煮物、炸物、壽司五件湯及甜品。
首先有前菜，係炸番薯片，係餐廳自己新鮮炸，味道鹹鹹地，而且相當薄脆。
楓
前菜有毛豆、菇下面有蒟蒻條，幾好食。仲有水菜配腐皮，水菜食落幾爽口，夾埋腐皮甜甜地。
章紅魚刺身配海膽拖羅，整得非常吸睛👀賣相好靚🥰章紅魚咬落去好爽口，我幾鍾意呢隻魚，帶點小小嘅甜味❤️
拖羅咬落去好肥美，主角呀！感覺非常之有口感，海膽相對地就變咗配角，但係都好鮮甜😋
燒物有燒銀鱈魚，銀鱈魚一般都非常好食，呢個食落去唔會好油，而且有魚嘅肥美，味道夠林夠香，個皮又燒得香脆，醬汁惹味😚
中場有個小食係核桃小女子，我本人幾鍾意食小女子，甜甜地🙂
堇
前菜同楓封餐一樣，再多一個麻醬山藥，食落去好爽口，不過帶點苦苦澀味，幾特別。
𩶘魚刺身淋淋地帶有鮮味！
生蠔非常之大隻，好creamy厚肉，非常之新鮮，呢個真係好食🤩
刺身有吞拿魚、北海道帶子及牡丹蝦，吞拿魚呢個部位肉質淋淋地，充滿吞拿魚味。帶子大粒爽口；牡丹蝦我覺得好好食，上面仲配咗芬蘭嘅花，食嘅時候配埋一齊食，鮮甜得嚟又帶點花香🌸
煮物有茄子及蟹肉冬瓜，茄子有烤過嘅香味，蟹肉冬瓜清得嚟又帶點蟹肉鮮味，唔錯🦀
中場都一樣有個小食係核桃小女子。
炸物有天婦羅蝦，新鮮炸起熱辣辣，蝦係新鮮爽口，唔同一般出面食嘅天婦羅，而且仲有炸南瓜及番薯。
壽司方面兩個餐大致差唔多，首先係吞拿魚拖羅，咬落去好肥美😙嘩一聲！
伊佐木師傅話係夏天必食，食落去肉質爽口，好難形容嘅好味🤩
左口魚壽司真係入口即溶，有種滿足嘅感覺🥰
五日dry aged嘅吞拿魚真係第一次食，基本上壽司刺身嚟講都未食過。師傅話香港唔係好多度有😮食落去真係有少少風乾嘅味道，幾特別！
海膽壽司，紫菜非常之脆，即刻食！海膽夠鮮甜夠多，超級幸福❤️
蛋壽司非常特別，原來係用咗魚及蝦，煎完再焗，食落去味道有啲似蛋糕🍰質感，好得意😎
之後到蜆肉麵豉湯，夠濃味；而且仲有啲豆腐及海帶。
最後到甜品，係日本蜜瓜🍈好甜，多多都食到😛
埋單兩個人二千蚊左右，真係廚師發板嘅入門價。餐廳立即登記做會員就有95折，正呀！呢間係回頭率100%嘅餐廳😍
Post
