暴風吸入 (Closed)

近排好想食韓國嘢但又唔想食燒烤，朋友帶我嚟咗呢間餐廳。試下唔同既韓國風味。朋友只係黎過食午餐，所以晚餐佢都無乜特別介紹。呢個泡菜唔錯。韭菜泡菜第一次食。麻麻地，唔鍾意！由於得兩個食，都唔可以叫太多野食。呢個大蔥牛肉鍋，乎合韓國菜一般既多菜小肉！由於有好多大蔥，所以唔算太甜，本身個湯又無話太咸或者辣。海鮮薄餅偏淡，如果唔點醬汁就無乜睇頭。睇住隔離枱既女仔們只係顧住玩電話，但每一段時間就會有侍應去同佢地燒野食，甚至剪好野食。我諗如果仲有下次黎呢度食野，一定要叫燒烤先得。