Video
Read full review
2021-06-07
1393 views
📅突如其來的假期，又撞正懶懶熊放假日，又難得無喇喇想約熊妹去行下街，就緊係去食個休閒下午茶歎下先。今次就去左講左好耐都未試過的《囍運冰室》食個茶餐廳下午茶。📌又有熊妹最愛的飽櫃呀😍！舊時的冰室就係俾街坊街里閒時黎坐下，食個包飲杯茶，即使係新晉的冰室都會保留冰室原有的街坊味道，而且仲會加入現代人的口味，所以熊妹都幾鐘意去冰室食野，而不嬲都係茶餐廳忠誠粉絲的懶懶熊就不在話下喇。📌差唔多下午三點黎到，都全場滿哂人，差啲要等位入座，咪話唔誇張。📌下午茶由下午二點半開始至六點，大路的下午茶都有，熱狗🌭️、雞髀🍗沙律、包點🥪、西多士🍞、飯🍛同意粉🍝都有齊，想輕食又得，飽食都得，價錢仲要相當便宜，$40-$49包飲品，凍飲加$3，係咪太抵食呢？吉列魚柳沙律，$40熊妹想食魚柳，又想食沙律🥗，吉列魚柳沙律就岩哂喇。嘩，幾大塊魚柳，真係俗稱大過塊面，成條魚柳型都出哂黎，吉列炸到金黃色，一睇都知抵食。吉列炸皮唔厚夠脆口，魚柳肉都厚身，唔係紙咁薄，啖啖魚肉夠淋，魚味就唔洗要求咁多喇，點埋跟上的卡夫奇妙醬，就係冰室舊有的製作配撘，原始的味道先係最原有的味道。伴碟沙律🥗都好正，首先，係熊妹最愛的罐頭什果沙律，然後
📅突如其來的假期，又撞正懶懶熊放假日，又難得無喇喇想約熊妹去行下街，就緊係去食個休閒下午茶歎下先。今次就去左講左好耐都未試過的《囍運冰室》食個茶餐廳下午茶。
📌又有熊妹最愛的飽櫃呀😍！舊時的冰室就係俾街坊街里閒時黎坐下，食個包飲杯茶，即使係新晉的冰室都會保留冰室原有的街坊味道，而且仲會加入現代人的口味，所以熊妹都幾鐘意去冰室食野，而不嬲都係茶餐廳忠誠粉絲的懶懶熊就不在話下喇。
📌差唔多下午三點黎到，都全場滿哂人，差啲要等位入座，咪話唔誇張。
📌下午茶由下午二點半開始至六點，大路的下午茶都有，熱狗🌭️、雞髀🍗沙律、包點🥪、西多士🍞、飯🍛同意粉🍝都有齊，想輕食又得，飽食都得，價錢仲要相當便宜，$40-$49包飲品，凍飲加$3，係咪太抵食呢？
吉列魚柳沙律
$40
35 views
0 likes
0 comments
熊妹想食魚柳，又想食沙律🥗，吉列魚柳沙律就岩哂喇。
嘩，幾大塊魚柳，真係俗稱大過塊面，成條魚柳型都出哂黎，吉列炸到金黃色，一睇都知抵食。
吉列炸皮唔厚夠脆口，魚柳肉都厚身，唔係紙咁薄，啖啖魚肉夠淋，魚味就唔洗要求咁多喇，點埋跟上的卡夫奇妙醬，就係冰室舊有的製作配撘，原始的味道先係最原有的味道。
伴碟沙律🥗都好正，首先，係熊妹最愛的罐頭什果沙律，然後，仲要撈上勁多的沙律醬，真係最經典最好味。
日本醬油炒滑蛋叉燒飯
$43
42 views
1 likes
0 comments
大食懶懶熊下午茶真係食小吃就夠咩？哽係要食飯！見到隔離枱碟叉燒滑蛋飯🍛勁吸引，正所謂隔離飯香🍚。
熊妹就問一問職員👩🏽💼隔離飯係咪下午茶份量？事關真係好大一碟！
黎到上枱，嘩！真係咁大碟，唔講味道，份量黎講都已經夠哂抵食喇！
面頭係鋪滿一大堆熱辣辣冒著煙♨️的香蔥叉燒滑蛋，滑蛋堅滑流，勁多蛋汁又厚實，好多好多片蜜汁叉燒，唔係叉燒粒欺場，又無乜肥膏位，岩哂鐘意瘦叉的熊妹口味，然後蛋汁又滲泄入白飯堆🍚，再加入日式醬油，岩哂鐘意濃味又係飯桶的懶懶熊，而粗人食粗野，食唔慣貴價日式醬油味，仲額外加多點美極豉油調上鮮味，竟然又另一番風味喎！果然係茶記粉絲！
凍檸茶
14 views
0 likes
0 comments
例牌凍檸茶🍹，懶懶熊正常，熊妹呢排就愛上走甜少冰，茶味都岩哂大家的口味，唔錯！
📌賣單加埋凍飲$89，九十蚊都唔洗，咁好味又岩口味仲要吃到飽，香港地，旺角地，邊到揾呀？
Post
