糖心軒

Open Now

Now Closed

今日約左安妮傾下計，就Book左糖心飲茶，貪佢夠就腳。兩個人叫一籠燒賣點心，一個鮑汁雞粒炒飯就已經夠，志在開壺靚普洱茶。安妮好咀刁，指明要食碟豉椒炒尖椒，青椒辣辣地加埋豉椒好惹味，真係辣得好過癮！鮑汁雞粒炒飯濕濕地易入口又暖胃，雞粒啖啖肉，食完兩個都飽飽。最後當然唔少得食埋個甜品「杏汁撞蛋白」，呢個甜品唔少野，勁在即叫即撞，個滾熱辣杏汁撞落碗蛋白度，真係滑過雙皮奶，而且杏汁甜而不膩，清清地十分滋潤，秋冬季節食就岩岩好！由於呢碗糖水係即叫即撞，隨時要等成廿分鐘架，趕時間就記住早啲嗌！